![[Passamynd]](/files/2003/05/mar.gif)
Már ÖrlygssonFlutningar fyrir dyrum
Á mánudaginn fluttum við fyrstu kassana og megnið af húsgögnunum okkar í nýju íbúðina hans Loga, en hann var svo góður að leyfa okkur að nota hana þar til við fáum afhent í lok október. Sófasetti, borðum, stólum, ruslapokum fullum af fötum, bókakössum o.fl. var troðið inn í meðalstóran sendibíl og ferjað upp á fjórðu hæð í Brautarholtinu. (Takk Bjarni fyrir hjálpina!)
Í dag búum við í alveg risastórri, næstum galtómri stofu með tölvu, sjónvarpi, rúmi og kattasandskassa. Mjög skemmtileg tilbreyting. (Hver þarf s.s. borð og stóla?)
Pökkunarvinnan heldur áfram á hverju kvöldi, og nú sér fyrir endan á þessu. Það eru allar líkur á að við flytjum út og afhendum nýja eigandanum, Sigga Sveini, lyklavöldin að Grettisgötuhöllinni um helgina.
Nokkrir minnispunktar: Tala við fólkið í Stangarholtinu um að fá að flytja lögheimilið okkar beint þangað, láta loka tímabundið fyrir síma og ADSL, flytja lögheimilið... hverju er ég að gleyma?
P.S. Já við fengum grænt ljós á íbúðarkaupin úr greiðslumatinu. :-)
Meira þessu líkt: Húsnæði/heimili.
Svör frá lesendum (5)
Tryggvi R. Jónsson svarar:
Getur látið breytingu á lögheimili gerast á ákveðnum degi fram í tímann. Sannreyna svo að stofnanir sem eru í reglulegum póstsamskiptum við heimilið uppfæri. Tryggir árangur að hringja einn rúnt og ýta við þessu. Muna svo að fara inn á vef Póstins og breyta póstfangi, þá áframsendist í 3 mánuði á milli staða. Breyta heimilisfangi í símaskrá (Þínar Síður hjá LSÍ) og svo auðvitað að muna að flytja ;)
25. september 2003 kl. 15:28 GMT | #
Tóró svarar:
Panta aflestur á rafmagnið. Man ekki eftir fleiru...
25. september 2003 kl. 15:57 GMT | #
Tryggvi R. Jónsson svarar:
Þarf ekki einu sinni að panta aflestur lengur. Það þarf bæði að gera þetta fyrir rafmagn og vatn þar sem slíkt er sér fyrir eignina. Þetta er hægt að gera á heimasíðu OR og orðin sjálfsafgreiðsla á þessu hvað varðar aflestur. Margt hægt að gera í gegnum netið en ekki að breyta lögheimili hjá Þjóðskrá. Það er ennþá fax-based stofnun.
25. september 2003 kl. 23:02 GMT | #
SiggiSveinn svarar:
Uhm... með ADSL tenginguna. Spurning um að, þar sem við erum með sama þjómustuaðilan, hvort það sé hægt að sannfæra þá um það að þegar þeir loki ADSL-ið ykkar þá opni þeir ADSL-ið mitt í leiðinni.
26. september 2003 kl. 00:34 GMT | #
Már Örlygsson svarar:
Tryggvi, í sambandi við aflestur af mælum, þá gerist þess valla þörf. Hinn árlegi aflestur er nýbúinn, og við afhendum á mánaðarmótum, þannig að við borgum bara reikninginn fyrir september og Siggi tekur við eftir það. Mismunurinn á milli áætlunar og raunnotkunar í einn mánuð er svo hverfandi að það tekur því ekki að gera sér rellu út af því.
Siggi, jú góð hugmynd.
26. september 2003 kl. 10:29 GMT | #