Fregnir úr vefheimi blindra

Skrifað 17. september 2003, kl. 09:33

Arnþór Helga staðfestir að CSS reddingin fyrir HAL skjálesarann virkar. Það eru góðar fréttir. Þessi lausn mín hefur verið kynnt fyrir starfsmönnum Dolphin og á notendapóstlista Dolphin. Einhverjir á þeim lista bentu líka á hugbúnað sem heitir WebFormatter sem virðist stinga sér inn á milli HAL lesarans og Internet Explorer vafrans og aðstoðar við lesturinn.

Mér finnst samt asnalegt að fólk skuli þurfa að standa í svona miklu veseni til að geta lesið venjulegar vefsíður skrifaðar með töflulausu HTML og CSS útliti - sérstaklega vegna þess að HAL hugbúnaðurinn kostar rúmlega 100 þúsund krónur og samkeppnisaðilinn, JAWS, er búinn að leysa flest þessi vandamál fyrir 2-3 árum síðan.

Meira þessu líkt: Accessibility, HTML/CSS, Hugbúnaður.