Færslur föstudaginn 12. september 2003

Kl. 09:49: Hryðjuverk eða árásir? 

Logi sagði mér um daginn að Reuters fréttastofan hefði að yfirlýstri stefnu að nota ekki orðið "hryðjuverk" (e. terrorism) í sínum fréttum því það væri svo gildishlaðið. Þannig kölluðu þeir baráttu Palestínumanna ekki hryðjuverk, og ekki heldur árásirnar á WTC fyrir tveimur árum. Mér fannst það sanngjörn og eðlileg stefna fyrir hlutlausa og faglega fréttastofu.

Snögg leit á Google sýnir berlega að þessi ákvörðun hefur farið illilega fyrir brjóstið á Bandaríkjamönnum.

Norman Solomon gagnrýnir hins vegar bandaríska fjölmiðla fyrir hræsni í grein sem ber titilinn "Media Spin Revolves Around the Word 'Terrorist'"

"It's entirely appropriate for news outlets to describe the Sept. 11 hijackers as 'terrorists' -- if those outlets are willing to use the 'terrorist' label with integrity across the board. But as long as news organizations are not willing to do so, the Reuters policy is the only principled journalistic alternative."

Hver er stefna íslenskra fréttastofa í þessum málum?

Svör frá lesendum (3) | Varanleg slóð