11. september 2003 - dagur sátta og vinskapar

Skrifað 11. september 2003, kl. 17:42

Bandaríkjamenn útvarpa og sjónvarpa yfir heimsbyggðina sorg sinni vegna dauða rúmlega 2800 bandarískra borgara sem létu lífið fyrir tveimur árum síðan. Skiljanlega. ...en maður spyr sig samt: Hvenær fáum við að sjá dýra og hjartnæma miningarathöfn í beinni alheimsútsendingu um 7000 írösku borgarana sem Bandaríkjamenn drápu fyrr á þessu ári?

Á þessum degi fyrir tveimur árum síðan sat ég á kaffihúsinu Vegamótum og spjallaði við Svavar um lífið og tilveruna -- í fyrsta sinn í ábyggilega ein átta ár. Þessi dagur, 11. september, lifir því í minningu minni sem dagur sátta og vinskapar. Síðar þennan dag skrifaði Svavar sína fyrstu dagbókarfærslu á vefinn.

Meira þessu líkt: Stríð - Friður.