HAL prófanir

Skrifað 9. september 2003, kl. 09:49

Hér eru nokkrar einfaldar prufusíður til að skoða í HAL lesvafranum.

HAL er lesvafri/skjálesari frá Dolphin Software, sem sístækkandi hópur blindra og sjónskertra tölvunotenda á Íslandi notar. Enn sem komið er er JAWS lang algengasti kosturinn, en íslenski framburðurinn í honum ku ekki vera eins góður og hjá HAL, auk þess sem mörgum finnst HAL vera þjálli í notkun.

Ég er núna að kanna hvernig HAL vinnur með CSS stílblöð á vefsíðum - sér í lagi hvort hann skilji media reglurnar og hvernig hann les vefsíður sem nota float og position : absolute til að skipa innihaldinu í dálka.

Niðurstaða (viðbót)

HAL 5.2 (nýjasta útgáfan) les ekki vefsíður með því að lesa gegnum innihald HTML skjalsins, heldur les hann einfaldlega bara það sem sést á skjánum. Þetta er stór galli, og veldur í ofanálag því að vefsíður sem eru skrifaðar með töflulausu HTML og eru dálkaskiptar með CSS skipunum verða algjörlega óskiljanlegar. (Dæmi um svoleiðis síður: 1, 2, 3, 4, 5.) HAL les töflulausar síður nefnilega svona:

1. efsta línan í vinstri dálki
efsta línan í miðju dálki
2. efsta línan í hægri dálki
3. önnur línan í vinstri dálki
4. önnur línan í miðju dálki
5. önnur línan í hægri dálki
6. o.s.frv...

Þetta er náttúrulega alveg vonlaust og þarf að laga. Ég mun verða í sambandi við tengilið Dolphin Software í Svíþjóð og vonandi tekst mér að sannfæra þá um að gefa út lagfæringu hið fyrsta. Þangað til geta íslenskir HAL notendur notast við þessa "user-stylesheet" reddingu.

Meira þessu líkt: Accessibility, HTML/CSS.