Einfaldir og aðgengilegir sprettigluggar
Maður hefur í gegnum tíðna séð margar mis-gáfulegar leiðir farnar í að opna sprettiglugga ("popup" glugga), sumar hverjar mjög óaðgengilegar fyrir leitarvélar, fatlaða og notendur frumstæðra vafra.
[Uppfært 9. feb. 2004: Þessi grein er úrelt. Betri, hreinlegri og aðgengilegri útfærslu má finna í greininni Unobtrusive Popup Windows. Vinsamlega notið þær leiðbeiningar frekar en þessar.]
Andri Sigurðsson skrifaði í gærkvöldi ágæta grein um góða og slæma sprettiglugga. Ég stóðst ekki mátið og endurbætti aðeins kóðadæmin sem hann birti fyrir góða sprettiglugga, og ákvað að taka það alla leið í gæðum.
Lesið samt greinina hans Andra áður en þið haldið áfram.
Afritun og hvers kyns nýting kóðans hér að neðan er öllum velkomin.
Einfalt popup() javascript fall:
function popup (link) { var theSettings = "width=350,height=450"; var theTarget = "_blank"; // Set default value for the link target if ((link.target != null) && (link.target != "")) { theTarget = link.target; } newWin = window.open(link.href, theTarget, theSettings); newWin.focus(); // make sure the new window has focus. return false; }
Einfalda popup() fallið notað:
<a href="http://www.mbl.is" target="gluggi" onclick="return popup(this);">Opna sprettiglugga</a>
Ef engin target="" stilling er sett á vísunartagið, þá notar popup() sjálfgefna theTarget gildið sem er skilgreint fremst í fallinu.
Allir valkostir stillingastrengsins sem window.open() fallið notar:
width=pixelsheight=pixelsscrollbars=yes|auto|noresizable=yes|nostatus=yes|notoolbar=yes|nolocation=yes|nomenubar=yes|no
Dæmi:
theSettings = "width=300,height=450,scrollbars=auto,resizable=yes,status=no";
Ath: engin bil mega vera á eftir kommunum, því þá virka stillingarnar ekki í sumum vöfrum.
Meira þessu líkt: Accessibility, HTML/CSS.
Már Örlygsson



Þessum svarhala hefur verið lokað. Kærar þakkir til þeirra sem tóku þátt í umræðunni.