Fjarskiptagræjur

Skrifað 28. ágúst 2003, kl. 09:34

Ég var að kaupa græju í gær. Sony Ericsson T310 síma. Voða gaman. Tækið er enn í hleðslu. Ég fékk að skoða eintak í Landssímabúðinni á Laugaveginum og sýndist hann vera almennt þjáll og einfaldur í notkun, ólíkt Ericsson R520m helvítinu sem ég er búinn að vera með í láni frá Loga s.l. mánuð.

Annars mun Stína líklega fá þennan nýja síma og ég eignast hálfbilaða Nokia 5110 símann hennar og reyna að búa til úr honum og gamla bilaða símanum mínum, einn heilan Nokia 5110 síma. Ef það tekst þá fær hún frankensteinsímann sem kemur út úr því og ég hirði aftur Ericsson græjuna af henni og byrja að MMS blogga eins og vindurinn. :-)

Annars sótti ég í fyrradag um að fá ókeypis uppfærslu hjá Vodafone, úr ADSL II (512Kb/s) í ADSL IV (1Mb/s). Breytingin átti að gerast í gærmorgun, en þegar ég mældi hraðann núna í morgun var hann enn óbreyttur. Hrmpfh! Ég er greinilega ekki jafn heppinn og Tryggvi.

Uppfært stuttu seinna: T310 síminn er kominn í gang og virkar ágætlega. Ömurlegir hringitónar innbyggðir. Sumir hlutir eru mun óþjálli í notkun en á Nokia græjunum en flest er nægilega þjált. Það reyndist ekkert mál að senda og sækja JPG og GIF myndir gegnum innrauða portið á ferðavélinni. Mig grunar að ég geti gert það sama með hljóðupptökur, og þá er ég kominn með lítinn stafrænan diktafón ... eh, þ.e. þá er Stína komin með lítinn stafrænan diktafón - andsk...

...og örstuttu eftir það: fjöltóna hringingarnar eru venjulegar .MDI skrár, en hljóðupptakan er á asnalegu .AMR formi sem engir virðist kunna að lesa/spila nema Ericsson