![[Passamynd]](/files/2003/05/mar.gif)
Már ÖrlygssonÞrek og tár (MP3)
Fokk höfundaréttur. Þetta gamla lag í flutningi Erlu Þorsteins og Hauks Morthens er bara svo undursamlega fallegt að ég verð að deila því með ykkur: Þrek og tár.
Ég fæ hroll í hvert skipti sem ég hlusta á þetta.
Mér áskotnaðist þessi MP3 skrá gegnum netið, og nú langar mig til að njóta þessarar upptöku í fullum hljómgæðum og helst eignast fleiri lög í svipuðum stíl með sömu flytjendum. Hvaða plötu(r) á ég að kaupa?
Meira þessu líkt: Höfundaréttur, Listir og menning.
Svör frá lesendum (5)
Finnbogi svarar:
Fyrir 2-3 árum var gefinn út mjög góður tvöfaldur safndiskur með Erlu Þorsteins. Hann heitir Stúlkan með lævirkjaröddina og ég held að á honum séu flestar þeirra hljóðritana sem til eru með Erlu. Um svipað leyti var gefinn út tvöfaldi safndiskurinn Ó borg, mín borg með lögum Hauks Morthens. Þrek og tár eru líka á þeirri plötu.
24. ágúst 2003 kl. 21:27 GMT | #
Svansson.net svarar:
Ég hef einmitt lengi fílað þessa tónlist haha. Mæli líka með "ó borg mín borg" með HM. "Dans gleðinnar" er safn með bestu lögum Vilhjálms Vilhjálmssonar, og mér finnst það úr mjög svipaðri skúffu. Það leynast líka margar perlur á diskum Álftagerðisbræðra, og "Í álftagerði" er góð byrjun. Lagið "Hríslan og lækurinn" er af svipuðu kaliberi og "Þrek og tár". Það er líka til mikið af perlum á hinum og þessum kórdiskum, en þar fílar maður samt sjaldnast nema stöku lag.
Diskurinn "Óskastundin" er gott úrval af lögum sem Gerður G. Bjarklind valdi, Þrek og Tár er þar líka. Mörg þeirra laga eru samt ögn "acquired taste". Ég hef samt ekki enn fundið neinn disk með góðum íslenskum lögum sem er alveg eins og ég mundi vilja hafa hann, en það er mikið af ótrúlega góðum lögum á víð og dreif. Kannski maður safni þessu e-n tímann saman sjálfur og láti brenna á disk.
En að sjálfsögðu get ég ekki annað en notað þetta tækifæri til að mæla alveg sérstaklega með Megasi.........
24. ágúst 2003 kl. 22:58 GMT | #
Tóró svarar:
Þetta svar kemur gömlum dægurlagaperlum ekkert við, en það virðist vera eitthvað óstuð á servernum þínum.
[an error occurred while processing this directive] birtist hér og þar á vefnum. Minnir mig á það þegar gömlu góðu includin í perl-inu voru að klikka (aaaah... nostalgía!) (og þar með er tengingin við færsluna komin :)
24. ágúst 2003 kl. 23:07 GMT | #
Már Örlygsson svarar:
Tóró, næst skaltu bara senda mér tölvupóst ef þú sérð eitthvað að síðunni. :-) (Engin þörf á að svara þessu innskoti) </offtopic>
24. ágúst 2003 kl. 23:21 GMT | #
Már Örlygsson svarar:
Síðbúið svar til Finnboga (#1). Takk fyrir ábendinguna. Ég fór stuttu síðar og keypti tvöfalda safndiskinn "Stúlkan með lævirkjaröddina" og hef hlustað á hann sleitulítið síðan. Alveg prýðisgóður diskur.
27. október 2003 kl. 22:29 GMT | #