Færslur Þriðjudaginn 19. ágúst 2003

Kl. 22:02: Visanir kvöldsins 

• Grein og svarhali á Kuro5hin um blöndun Martini kokteila. (Flestir mundu nota meiri Vermouth en gefinn er upp þarna.)
• Finnska vaxtarræktarkonan Pauliina Talus sem fjallað var um í heimildarmynd í sjónvarpinu áðan. Verulega speisað!

Sendu þitt svar | Varanleg slóð

Kl. 10:35: Vefvædd femínistaumræða 

Salvör tilkynnir ný opnað vefspjall femínístafélagsins. Líklega tekur vefspjallið á endanum við af póstlistanum ógurlega sem var allt of stór (og ofvirkur) fyrir flesta venjulega netnotendur. Það að umræðuvefurinn sé opinn og sýnilegur öðrum er frábær framför.

Þá er bara spurningin, tekst mér að halda aftur af mér eða mun ég missa mig í spjallið á nýjan leik. :-)

Sendu þitt svar | Varanleg slóð

Kl. 09:57: Joel on Software á íslensku 

Það er komin vísir að íslenskri útgáfu af vefsvæði Joels Spolskys, Joel on Software.com, og þar er búið að þýða eina af greinum Joels á íslensku, Lögmálið um lekar yfirhylmingar, en hún hét á frummálinu The Law of Leaky Abstractions.

Framtakið er gott, en þýðingin er á köflum svolítið gölluð. Það að sjá "rúðuþurrkur" þýddar sem "vinnukonur" minnti mig á málfarið í Tarzan og Köngulóarmanns blöðunum frá Siglufjarðarprentsmiðju í den. (Unnur bendir á að Vinnukonur sé þekkt samheiti yfir rúðuþurrkur. Mea Culpa) Það mætti samt einhver taka sig til og senda Joel (eða þýðendum sjálfum) ábendingar um hvað mætti betur fara.

Kötturinn sagði "ekki ég".

Svör frá lesendum (4) | Varanleg slóð