Færslur mánudaginn 18. ágúst 2003

Kl. 19:48: Föt seld á afborgunum? 

Eru til einhver dæmi um það að fatabúðir selji vörur sínar með afborgunum? Selur Sautján t.d. einhverjar tískuflíkur á raðgreiðslum?

Ég var að pæla í þessu um daginn hvað íslenskur tískufataiðnaður er mikil láglaunagrein. Íslenskar lopapeysur eru t.d. klassískar flíkur sem tekur vana manneskju a.m.k. fullan vinnudag að prjóna, en geta endst eigendum sínum 10 til 20 ár - samt kosta þær ekki nema skitnar 7.000 kr, með sköttum, álagningu verslunarinnar, öllu. Það þýðir að brúttó dagslaun prjónakonu með mikla reynslu eru í mesta lagi 3.500 kr - eða kannski um 72.000 kr á mánuði og þá á prjónakonan eftir að greiða tryggingagjald, efniskostnað (góður lopi er dýr!) lífeyrisgreiðslur, mótframlag í lífeyrissjóð og öllu tilheyrandi. Eftirstöðvarnar eru rétt fyrir ofan núllið. Þetta er fáránlegt!

Hvað er eðlilegt verð fyrir vandaða, handunna vöru sem endist í fjölda ára, er drullupraktísk og fer ekki "úr tísku"? 20.000 kr? 30.000 kr? 40.000 kr?

Auðvitað borgar enginn tugi þúsunda króna fyrir einhverja helv. lopapeysu yfir búðarborðið, en er það ekki bara spurning um lélega sölumennsku í fatabúðinni? Af hverju ekki að selja handunna, hefðbundna hönnun og framleiðslu sem fasteign - sem hægt er að kaupa með raðgreiðslum til eins eða tveggja ára. Smá greiðsla í hverjum mánuði út af kreditkortinu og þú klárar síðustu greiðsluna mörgum, mörgum árum áður en þú hættir að nota flíkina.

Þetta er allavega pæling. Ég hef náttúrulega ekki viðskiptavit til að geta fullyrt að þetta sé góð hugmynd, en mér þætti fróðlegt að sjá einhvern a.m.k. prófa þetta.

Svona sölutækni gæti líka mögulega gert íslenska tískuhönnun að starfsgrein með laun sem hægt er að lifa á, og gert fleirum kleyft að klæðast vönduðum, fallegum flíkum sem aðgreina eigandann frá fjöldunum.

Svör frá lesendum (7) | Varanleg slóð

At 11:06: WinSCP rocks 

WinSCP rocks my world today. Neat, user-friendly, feature-rich, GPL licenced, drag and drop GUI file transfer. Sweet!

Post your Comment | Permalink

Kl. 09:41: Veðurfréttamaður með skoðanir 

Hvernig er það, fetti enginn fingur út í orð veðurfréttamannsins á Stöð 2 daginn sem "Gay Pride" gangan var haldin? Þá lýsti hann blauðviðrinu á þá leið að hann vissi ekki alveg hverju öll þessi rigning ætti að fyrirstilla, kannski væri guð að gráta yfir hinsegin dögunum.

Ég var að vaska upp á meðan á þessu stóð. Stína kallaði mig inn í stofu og spurði hálf hvumsa: "eiga veðurfréttamenn að hafa skoðanir?"

Mér er spurn: Skapaðist virkilega engin umræða um þetta, eða missti ég bara af henni?

Svör frá lesendum (13) | Varanleg slóð