![[Passamynd]](/files/2003/05/mar.gif)
Már ÖrlygssonSvarhalar í tölvupósti
Palli Kaninka spyr hvernig megi bjóða fólki upp á að fá svör við dagbókarfærslum send í tölvupósti. Scripty Goddess hefur gefið út forrit sem bætir þessari virkni við Movable Type, en byggist á því að PHP forritunarumhverfið sé uppsett á vefþjóninum: Subscribe to Comments
Ég fíla ekki PHP (það er ekki uppsett á Klaka) og mundi helst kjósa að finna sambærilega lausn sem byggir á Perl/CGI.
Það er samt áhugavert að hafa í huga fullyrðingar Joel Spolskys um að svona tölvupóstáskriftir geti virkað hamlandi á vöxt umræðuþráða á vefsíðum.
Eftir að hafa hugsað aðeins um þetta, þá sýnist mér að þó Joel hafi rétt fyrir sér þá hafi hann ekki verið að tala um svarþræði í vefdagbókum eins og Palla, heldur um opna spjallvefi á borð við Hugi.is eða Femin.is. Ég held að dagbók eins og Palla hefði einmitt mjög gott af því að hafa svona áskriftavirkni á svarhölunum. (Nánar í svari #2)
Meira þessu líkt: Movable Type, Nothæfni, Útgáfa.
Svör frá lesendum (4)
Bjarni Rúnar svarar:
Jú, það er reyndar PHP á Klaka... en PHP er sucky sucky því það keyrir all með réttindi vefþjónsins, en ekki réttindin eiganda vefsvæðisins. :-)
Sammála varðandi Joel og niðurstöður hans - hann vill viljandi gera hluti óþægilega til að menn "festist" hjá honum. Það á alls ekki alltaf við.
7. ágúst 2003 kl. 21:57 GMT | #
Már Örlygsson svarar:
Ja sko, Já hann bendir á þetta sem dæmi um það hvernig ákveðnar "takmarkanir" á einu sviði geta gert hlutina betri á öðru. Klisjukenndasta dæmið eru óþægilegu stólarnir og ljótu innréttingarnar á MacDonalds stöðunum. Ef stólarnir væru þægilegri og umhverfið róandi smekklegt, þá mundi fólk hangsa lengur með matinn sinn og færri gætu borðað skyndibitann sinn sitjandi.
Hitt er að Joel skrifaði greinina sína í tengslum við opna umræðusvæðið sem hann var þá nýbúinn að setja upp á heimasíðunni sinni. Hann var ekki (og hefur aldrei verið með) svona svarhala á færslunum í dagbókinni sinni, heldur er umræðusvðið þannig að lesendur/notendur þurfa að koma inn og skrifa sjálfir færslur (upphafsskeyti) um eitthvað sem þeim þykir áhugavert og þurfa hjálp með. Svoleiðis umræður hafa ákveðna tilhneygingu til að verða dáldið "sjálfselskar" og misáhugaverðar þannig að færri nenna að lesa hvert einasta upphafsskeyti sem berst - ólíkt því sem gildir um vefdagbækur þar sem sami einstaklingurinn skrifar allar færslurnar og tjáir sig og miðlar spennandi hugmyndum og vísunum. Þessi eðlismunur á opnum umræðusvæðum og persónulegum dagbókum með svarhölum veldur því að áskrift að svörum í tölvupósti getur í öðru tilfellinu sogað líf úr umræðunni en í hinu blásið meira lífi í hana.
8. ágúst 2003 kl. 00:19 GMT | #
Freyr svarar:
Bjarni, kíktu á suexec - ég nota það til að láta allar scriptur keyra sem eigandi vefsvæðisins.
8. ágúst 2003 kl. 10:09 GMT | #
Bjarni Rúnar svarar:
Freyr: ég nota CGIwrap. PHPið sem kemur með RedHat 7.3 er illa við að keyra sem CGI, hef ekki getað fengið það til að virka með CGIwrap. ;-)
8. ágúst 2003 kl. 11:41 GMT | #