Færslur föstudaginn 1. ágúst 2003

Kl. 02:47: Verslunarmannahelgin... 

Plönin mín eru fá og einföld. Ég fer kannski út í Viðey einn dagpart - lengra verður ferðalagið væntanlega ekki. U.þ.b. allar aðrar helgar ársins eru vænlegri ferðahelgar í mínum huga, eða eins og Unnur segir það svo fimlega:

"Ég er alveg að fíla það að eina helgi ári sé miðbærinn svo til laus við markhóp hefðbundinna útihátíða."

Líkt og hún þá held ég að þetta þarfnist ekki neinna frekari skýringa við. ;-)

Svör frá lesendum (7) | Varanleg slóð

Kl. 01:17: Hönnun hópkerfa og spjallviðmóta 

Við Bjarni vorum að spjalla saman í kvöld og umræðan barst að mismuninum á svarþráðunum í dagbókinni hans og svarhölunum í dagbókinni minni. Þá varð mér hugsað til greinar eftir Joel Spolsky sem ég las í vor og opnaði augu mín fyrir ýmsu sem snertir hönnun svona hópsamskiptakerfa. Mæli með þessari lesningu...

Joel Spolsky: Building Communities with Software.

Svör frá lesendum (2) | Varanleg slóð