Færslur laugardaginn 26. júlí 2003

Kl. 23:27: Hugverkaþjófnaður Deiglunnar 

Svansson maldar í móinn og kallar það nöldur þegar Haukur kvartar yfir því að Deiglan afritar og notar í leyfisleysi ljósmynd eftir hann.

Svansson, yfirkrafsið þitt er lélegt og Deiglan er óttalegur "skítasnepill" þegar kemur að notkun ljósmynda með greinum. Sorrí. ;-)

Ég hef lengi furðað mig á því að Deiglan virðist hafa það fyrir fasta vinnureglu að stela myndum héðan og þaðan af netinu og birta þær án þess að spyrja kóng eða prest og án þess að einu sinni láta svo lítið að vísa á upprunastað myndarinnar. Afritunin og endurútgáfan á ljósmynd Hauks var heint og klárt lögbrot. Það er svo einfalt.

Persónulega þykir mér það algjör lágmarks kurteisi að taka fram hvaðan mynd er tekin ef hún er birt, og vísa á viðkomandi síðu ef þess er kostur. Með stærri myndir er líka til siðs að birta bara smækkaðar útgáfur upprunalegu myndarinnar, til að "smækka" glæpinn ef svo má að orði komast.

Sjá einnig: Court backs thumbnail image linking á News.com

Svör frá lesendum (1) | Varanleg slóð