![[Passamynd]](/files/2003/05/mar.gif)
Már Örlygsson[uppkast] Tilvitnanir: <q> og <blockquote>
Uppkast að kafla í leiðarvísi um notkun algengustu HTML markanna fyrir venjulegt fólk sem skrifar á vefinn. Í þessum kafla er fjallað um mörkun á stuttum og löngum tilvitnunum.
Ath: Sjá einnig kynninguna á þessu verkefni.
Stutt tilvitnun: <q>
Þegar vitnað er orðrétt í skrif annara (t.d. með copy & paste), þá er sá texti merktur með <q> markinu. <q> er einungis notað fyrir styttri tilvitnanir sem birtast sem hluti af lengri efnisgrein. Þannig er <q> notað innan í efnisgreinum (<p>), upptalningar liðum ( <li>) eða álíkum mörkunarhólfum. Að þessu leyti er <q> líkt áherslu- (<em>) og vísunarmörkum (<a href="...">).
Dæmi um notkun á <q> til að marka beina ræðu:
<p>Þá sagði Jóhann: <q>"Þú hefur alltaf verið hetjan mín"</q>. Pétur brosti og sagði: <q>"Takk"</q>.</p>
Sumir nýrri vafrar (t.d. Mozilla Firebird) bæta sjálfkrafa gæsalöppum utan um <q> tilvitnanir en flestir úreltari vafrar (t.d. Internet Explorer) gera það ekki. Það er því góð venja að vélrita alltaf inn gæsalappirnar í <q> textann, en nota CSS til að fjarlægja auka gæsalappaparið sem vafrinn bætir við.
Auka gæsalappirnar hverfa ef eftirfarandi skipun er bætt í CSS stílblað vefsíðunnar:
q:before, q:after { content : ""; } Fyrir þá sem eru lengst komnir þá má til gamans nefna að það er í góðu lagi að nota <q> innan í öðru <q> - t.d. ef textinn sem er vitnað í inniheldur aðra tilvitnun.
Löng tilvitnun: <blockquote>
Þegar vitnað er orðrétt í lengri kafla úr skrifum annara (t.d. ein eða fleiri efnisgreinar), þá er sá hluti í textans merktur með <blockquote> marki.
Munurinn á <blockquote> og <q> felst fyrst og fremst í því að <blockquote> nær utan um efnisgreinamörk (<p>), upptalningar (<ul>, <ol>), og þess háttar mörkunarhólf. Þannig getur <blockquote> aldrei staðið sem hluti af lengri efnisgrein.
Dæmi um notkun:
<blockquote>
<p>Þessi tilvitnun inniheldur <em>tvær</em> stuttar efnisgreinar.</p>
<p>Efnisgreinarnar mega líka alveg innihalda önnur mörk, og <a href="http://www.mbl.is/">vísanir</a> á aðrar síður.</p>
</blockquote>
Strangt til tekið getur <blockquote> tilvitnun innihaldið aðra <blockquote> tilvitnun, ef textinn sem vitnað er í inniheldur tilvitnanir í aðrar heimildir. Sömuleiðis er í góðu lagi að nota <q> mörk innan í <blockquote>.
Venjan er að vafrar birti <blockquote> kafla með inndrætti frá vinstri og hægri, en því má auðveldlega stjórna í CSS stílblaði vefsíðunnar.
Meira þessu líkt: HTML/CSS.
Þessum svarhala hefur verið lokað. Kærar þakkir til þeirra sem tóku þátt í umræðunni.