Færslur fimmtudaginn 24. júlí 2003

Kl. 22:46: "Moblogg" er vont orðskrípi 

Hvað er gott íslenskt nafn á svona SMS og MMS dagbókarskrif og þjónustur tengdar þeim? "Moblog" finnst mér vera skelfilegt orðskrípi, og sama gildir um öll heiti sem enda á "blogg". "Blogg" þýðir ekki neitt.

Far- hljómar í fljótu bragði eins og nothæft forskeyti. Það gefur í skyn ferðir og færanleika... Farskeyti? Farmolar? Farbók? Ferðabók? Farritun? ...?

Svör frá lesendum (1) | Varanleg slóð

Kl. 22:12: Tenglar út og suður... 

Palli M er búinn að teikna tenglakort af íslensku vefdagbókunum sem eru birtar á RSS.molar.is. Geysiflott framtak, en verst hvað RSS listinn á Molar.is er langt frá því að vera tæmandi.

Síðan mín virðist nokkuð þétt tengd, ef miðað er við þetta takmarkaða úrtak. Technorati.com segir svipaða sögu og úrtakið þar er mjög stórt (712.000+ bloggsíður), og endurskannað mjög reglulega.

Blogstreet telur upp 23 síður sem vísa á mig, en upplýsingarnar þeirra virðast ekki vera uppfærðar eins oft og Technorati.com. (þeir hafa t.d. enn ekki fundið allar síðurnar sem vísa á þessar greinar)

Síðan mín kemst ekki á topp 25 listan hjá Blogcensus, en leitarvélin þeirra virðist fara enn hægar yfir en Blogstreet leitarvélin. A.m.k. er þessi síða búinn að vera með sömu 25 vísanirnar til sín í meira en hálfan mánuð (skv. innihaldi hráa gagnavöndulsins sem maður getur sótt hjá þeim), jafnvel þótt fullt hafi gerst í bloggheimum á þeim tíma...

Aðrir vísanalistar, s.s. Daypop og Blogdex eru frekar daprir því þeir fylgjast með alveg hverfandi litlu úrtaki og uppfæra sig ósköp skelfing sjaldan.

Samkvæmt tölfræði Blogcensus er íslenska 10. algengasta blogg-tungumálið í heiminum í dag, með rúmlega 3500 dagbækur. Athyglivert... Ísland best í heimi!

Svör frá lesendum (3) | Varanleg slóð

Kl. 13:53: Karlmenn gegn ofbeldi 

Stefán Ingi, vinur okkar Stínu, var að hringja í mig og boða mig á fund hóps karlmanna sem hyggjast stofna til herferðar gegn ofbeldi karla. Karlmenn gegn ofbeldi. Verkefnið er enn á hugmyndastiginu (skilst mér) og því enn í mótun.

Fundurinn verður haldinn á Litla ljóta andarunganum í Lækjargötu, á morgun föstudag, kl. 17:00.

Ég mun mæta svellkaldur, en Stebbi bað mig um að hvetja sem flesta til að koma líka. - Komið!

Sendu þitt svar | Varanleg slóð

Kl. 09:34: Landssíma SMS-bloggið virkar loksins! 

Mér sýnist að Gummi Jóh sé fyrstur úr hópi viðskiptavina Landssímans til að nota SMS-blogg litla mannsins. Fyrst í tilraunaskyni, en svo tvær hugleiðingar þar sem hann situr og lætur sér leiðast í strætó. Skemmtilegt!

Eins og Keli tilkynnti í gær, þá er búið að breyta SMS-blogg forritinu þannig að viðskiptavinir Landssímans geta núna líka skrifað dagbókarfærslur, þrátt fyrir annmarka Landssímakerfisins. Endanleg niðurstaða var að skipta út # merkjunum úr SMS skeytunum og nota $ merki í staðinn.

Forskeytin sem öll SMS-blogg skeyti þurfa að byrja á, standa áfram óbreytt:

• Vodafone 1415: postur t hjá molar.is#
• Landssíminn 1848: POST sen t hjá molar.is

...en það sem á eftir kemur, sjálft innihaldið, notar núna $ merki til að skilja að mismunandi hluta skeytisins.

• Með fyrirsögn: password$ Headline$$MessageText
• Án fyrirsagnar: password$ MessageText

Leiðbeiningasíðan hefur verið uppfærð til að endurspegla þessar breytingar. (Ath: Rithátturinn til að fá íslenska stafi hefur ekkert breyst.)

Svör frá lesendum (4) | Varanleg slóð