Færslur miðvikudaginn 23. júlí 2003

Kl. 20:47: Úti að borða 

Sitjum á efri hæðinni á Lækjarbrekku með eftirrétt, búin að borða lunda og drekka þurrt Chileanskt rauðvín með. Á eftir: Charlie's Angels. (Sent úr síma 6975818)

Sendu þitt svar | Varanleg slóð

Kl. 11:45: SMS- og þráðlausar nettæknivísanir 

• Keli lýsir eftir traustum Linux netþjóni til að tengja farsíma við til frambúðar, eða aðstoð frá Landssímanum og Vodafone við að reka SMS bloggið. Hjálpum honum!
• Gummi Jóh er að skoða hvaða tákn SMS-í-tölvupóst gátt Landssímans þolir Hann skrifar pælingu um SMS blogg í dagbókina sína og bendir á að viðskiptavinir Vodafone eru byrjaðir að SMSblogga langt á undan viðskiptavinum Landssímans. Ekkert smá leiðinlegt.
• Cypher segir að Vodafone leggi 40% álag ofan á SMSin sem eru send í tölvupósti gegnum 1415. Er þetta satt??? Ojj...
• Palli "zzzz..." sendi sína fyrstu SMS dagbókarfærslu í gær, og Stella sendir neyðarskeyti frá tannlækninum. :-)
• Sjö af átta dagbókarfærslum Ágústs í gær voru SMS færslur. (8. færslan var send eftir miðnætti í nótt.) Hver færsla er samsett úr að meðaltali 2,7 SMS-um, þannig að blogg gærdagsins kostaði Ágúst a.m.k. [- 190 kr -] 266 kr. Maðurinn er Íslandsameistari þumlahamri og með þessu áframhaldi mun hann eyða [- rúmlega 5.500 kr. -] tæplega 8.000 kr. á mánuði í þessa snilld. Áfram Ágúst!
• Cypher skrifar um SMS-í-tölvupóst gáttir, og leiðir líkum að því að þjónustugátt Landssímans, 1848, styðji hreinlega ekki allt SMS stafrófið. Getur það verið?
• Ég held að Katrín, Gunni og hinir "Móbloggararnir" sem senda skemmtileg MMS myndskeyti í stríðum straumum á kostnað Landssímans dugi ekki til að telja okkur hinum trú um að við höfum efni á svona rándýrri sendiþjónustu. MMS er rándýrt. Fólk bíður mjög þolinmótt eftir að verðskráin lækki. (GPRS líka!)
• Joi Ito skrifar gáfulegar pælingar um netvædda örtækni (síma, myndavélar, etc.) og hvaða þróun hann sér fyrir sér í notkun þeirra og áhrif á ýmsa hluta samfélagsins, t.d. skemmtanaiðnaðinn. Joi er japanskur tæknifjárfestir og þekkir því nokkuð vel þessa nýju hreyfanlegu netvæðingu.

Svör frá lesendum (3) | Varanleg slóð