Már Örlygsson - Heimasíða og blogg - aðgengileiki í fyrirrúmi.

LandssímaSMSvandræði

Skrifað 22. júlí 2003, kl. 15:28

Svo virðist sem sms í e-póst gátt Landssímans virki ekki heldur með nýja rithættinum. Hún þolir ekki "#" og eyðir öllu eftir það. Það sem verra er, hún virðist bara gleypa allt sem við reynum að nota sem aðskilnaðartákn, þar á meðal ":"

Eins og þetta horfir nú þá virðist Landssímagáttin bara vera ansi ónothæf. Þið Landssímakúnnar verðið að fá þá til að taka á málinu strax ef þeir vilja ekki verða af miklum tekjum.

Leiðinlegt hvað þetta er að ganga illa með Landssíma SMS-í-tölvupóst gáttina. Viðskiptavinir Landssímans gætu þurft að bíða með sitt SMS-blogg í dáldinn tíma.

Svör frá lesendum (8)

Kristján svarar:

Hjá sumum símafyritækjum (í útlöndum) sendir maður SMS á forminu:

email@address.com##subject#message body

(sjá t.d hér) Getur verið að það sama sé uppá teningnum hjá Landssímanum?

22. júlí 2003 kl. 16:26 GMT | #
Már Örlygsson svarar:

Nei, það er ekki málið. Forritið hjá Landssímanum hendir bara öllu fyrir aftan # eða : sýnist mér.

Hins vegar sýnist mér að við getum notað $-merki sem aðgreiningartákn fyrir lykilorð og fyrirsagnir. Einhverjir áhugasamir Landssíma SMS-bloggarar verða síðan að finna út úr því hvaða tákn nákvæmlega kála sendingunni og hvaða tákn eru leyfileg.

22. júlí 2003 kl. 16:31 GMT | #
Gummi Jóh svarar:

ég er til að prufa.. tell me what to do ! :)

22. júlí 2003 kl. 16:52 GMT | #
Cypher: SMS 2 Email

"This is were things get a little bit technical.... So... it appears that Landssiminn & Vodafone have a sms 2 email gateway up and running. It's a service that's been on my todo list for some time, basically trivial to..." Lesa meira

22. júlí 2003 kl. 20:06 GMT | #
Gummi Jóh svarar:

Eftir að hafa prufað nokkur tákn sýnist mér = vera það fyrsta sem kom í lagi í tölvuna mína þegar ég sendi á mitt eigið netfang. Ekki beint fýsilegt tákn að nota en þó nothæft er það ekki?

Prufa fleiri. Sony ericsson síminn minn er reyndar með fullt af táknum sem ég hef ekkert séð í þessum venjulegu Nokia símum t.d. þannig að það væru þá heldur ekki góð tákn ef þau myndu þá virka.

22. júlí 2003 kl. 22:20 GMT | #
Már Örlygsson svarar:

Þá held ég að dollaramerkið ($) sé skárri kostur. Það slapp í gegn alveg óskaddað, og upphrópunarmerkið (!) líka.

Gummi, geturðu talið upp hvaða tákn þú hefur prófað sem virkuðu ekki?

22. júlí 2003 kl. 23:04 GMT | #
Gummi Jóh svarar:

Já já ég skal henda þessu inn. Þarf bara að grafa upp ascii töfluna á netinu. Þessi tákn eru ekkert notuð dagsdaglega hjá manni. Á að prufa eitthvað af þessum merkjum til að sjá þetta virka?

23. júlí 2003 kl. 10:50 GMT | #
Hrafnkell Eiríksson: LandssímaSMSBloggarar kætist

"Eins og fram hefur komið reyndist erfitt að finna tákn til að aðskilja titil og meginmál í SMS blog færslum frá áskrifendum Landssímans. Ég hef nú breytt kerfinu þannig að # er ekki lengur aðskilnaðartákn heldur $. Það virðist..." Lesa meira

23. júlí 2003 kl. 14:51 GMT | #