SMS-bloggþjónusta litla mannsins - leiðbeiningar

Skrifað 22. júlí 2003, kl. 01:14

Að senda SMS skeyti á vefinn

Skráðir notendur SMS-bloggþjónustunnar senda einföld SMS á símanúmerið 6984299. Öll SMS skeytin þurfa að vera á eftirfarandi formi:

[lykilorð]$ [texti dagbókarfærslunnar]

Ath. í báðum dæmunum á að skipta út textanum "[lykilorð]" fyrir raunverulegt dagbókarlykilorð viðkomandi notanda.

Flestar tegundir farsíma gefa kost á því að vista fyrsta hluta SMS skeytisins sem einhvers konar "template" svo maður þurfi ekki að slá inn lykilorðið og $-merkin í hvert einasta skipti sem maður ætlar að SMS-blogga.

Framköllun íslenskra bókstafa

Með því að nota sérstakan SMS rithátt má framkalla alla stafi íslenska stafrófsins - t.d. bókstafina Ð og Þ. Sé þessum sérstaka rithætti beitt þá þýðir SMS-blogg þjónustan skeytið yfir í séríslenska stafi áður en hún sendir það sem dagbókarfærslu.

Rithátturinn byggir aðallega á notkun öfugra broddstafa (à, è etc.) og notkun upphrópunarmerkja á undan bókstöfum.

• á fæst með: à og !a
• Á fæst með: À, !à og !A
• ð fæst með: !d
• Ð fæst með: !D
• é fæst með: è og !e
• É fæst með: È, !è og !E
• í fæst með: ì og !i
• Í fæst með: Ì, !ì og !I
• ó fæst með: ò og !o
• Ó fæst með: Ò, !ò og !O
• ú fæst með: ù og !u
• Ú fæst með: Ù, !ù og !U
• ý fæst með: !y
• Ý fæst með: !Y
• þ fæst með: !t og !th
• Þ fæst með: !T og !Th
• æ fæst með: !ae
• Æ fæst með: !Ae
• ö fæst með: ø
• Ö fæst með: Ø

Ennfremur þekkir kerið nokkur algeng smáorð og leyfir skammstafnir á þeim:

• " m " verður að með
• " f " verður að fyrir
• " & " verður að og
• " ad " verður að að
• " eg " verður að ég
• " Eg " verður að Ég

Þeir sem hafa áhuga geta séð reglulegu segðirnar sem eru notaðar við þýðinguna.

Fyrirsagnir á SMS dagbókarfærslur

Notendur dagbókarkerfa sem bjóða upp á fyrirsagnir (t.d. Movable Type) geta ef þeir vilja skrifað fyrirsögn á dagbókarfærslurna með því að aðgreina fyrirsögnina og meginmál færslunnar með tveimur $ merkjum í röð ("$$"). Dæmi:

secretpasswd$ Fyrirsögn$$Megintexti skeytisins.

secretpasswd$ Gaman a!d SMS blogga$$Skeyti !thetta er sent ùr venjulegum farsìma.

Þeir sem nota Blogger.com geta líka nýtt sér þessa virkni en í þeirra tilfelli birtist fyrirsögnin ein og sér feitletruð í fyrstu línu.

Mörg SMS í eina langa dagbókarfærslu

Ef kerfinu berst SMS skeyti sem endar á orðabili og þremur punktum í röð (þ.e. " ...") þá gefur það til kynna að dagbókarfærslunni sé ekki lokið og von sé á einu eða fleirum SMS skeytum til viðbótar. Þannig safnast " ..." skeytin upp í kerfinu og þeim er ekki breitt í dagbókarfærslu fyrr en lokaskeytið hefur borist. SMS skeyti sem endar ekki á táknunum " ..." telst alltaf vera lokaskeyti.

Ef SMS-bloggari sendir eftirfarandi þrjú SMS skeyti:

secretpasswd$ Prufuskeyti$$ Hérna kemur "löng" ...

secretpasswd$ dagbòkarfærsla sem er samsett ...

secretpasswd$ ùr !tremur SMS skeytum.

...þá birtist hún svona:

Prufuskeyti
Hérna kemur "löng" dagbókarfærsla sem er samsett úr þremur SMS skeytum.

Ath. að fyrirsögn dagbókarfærslurnar þarf alltaf að koma fram í fyrsta SMS skeytinu.

Nýskráning notenda og breytingar á skráningu

Sem stendur fer nýskráning fram þannig að áhugasamir fylgja skráningarleiðbeiningum og senda beiðnina til mín í tölvupósti. Breytingar á skráðum upplýsingum þurfa líka að gerast í gegnum tölvupóst.

Fyrirhugað er að koma upp einföldu innsláttarviðmóti til að notendur geti að mestu skráð sig og uppfært skráninguna sína sjálfir.

Þegar fram líða stundir...

Ýmsar hugmyndir eru á lofti með fleiri þjónustu möguleika í tengslum við SMS vefdagbókarskrif.

• [- Fá sérstakt símanúmer fyrir þjónustuna sem notendur geta sent SMS beint á. -] (Komið!)
• Hægt sé að senda SMS í fleiri en eina dagbók úr sama símanum.
• Tungumálastillingar fyrir bókstafa!thý!dandann
• Notendur geti fengið svörin við SMS dagbókarfærslunum sínum beint aftur í símann með SMS. (Movable Type og sambærileg kerfi eingöngu)
• Almenn RSS-í-SMS áskriftarþjónusta.
• ...o.m.fl.

---

Meira þessu líkt: Farsímablogg.