Færslur föstudaginn 18. júlí 2003

Kl. 21:52: Tilraun til að senda SMS2 

Hingað til hef ég alltatf fengið villumeldingu þegar ég hef reynt að senda langt SMS skeyti (S (sent úr síma 6975818)

Niðurstaða tilraunar: Þjónustunúmer Vodafone, 1415, tekur ekki við SMS2 skeytum (SMS með allt að 600 stöfum), heldur meðtekur bara fyrstu 160 stafina úr skeytinu og hendir restinni.

Sendu þitt svar | Varanleg slóð

Kl. 13:42: Kristján SMS-bloggar 

Kristján Klakabúi hefur líka verið að fikta í sínu horni við að útfæra SMS blogg. Hans fikt byggir á því sem við Keli höfum verið að fikta. Nú þurfum við bara að opna þetta samstarf formlega upp á gátt og þá ættu hlutirnir að fara að gerast.

Hmmm...

Sendu þitt svar | Varanleg slóð

Kl. 01:24: Keli og fjölnotenda SMS blogg 

Keli töffari er farinn að SMS blogga og segist búinn að útfæra grunn að fjölnotenda SMS-blogg kerfi sem hefur meira að segja sitt eigið símanúmer. (Þá þarf ekki lengur að notast við SMS-í-tölvupóst gáttir símfyrirtæjanna.)

Galdurinn felst í gömlum Nokia 5110 síma sem er tengdur við serial innstunguna á nettengdri tölvu. Síminn er með símanúmer sem hægt er að senda á SMS skeyti sem berast yfir serial kapalinn inn í tölvuna, og þar meðhöndlar forrit SMS skeytið og sendir það áfram sem dagbókarfærslu yfir á heimasíðu sendandans.

Keli skrifaði fyrstu útgáfuna af SMS forritinu sem ég er að nota. Ég tók forritið frá honum og bætti við það lykilorðsöryggi, vörpun yfir í séríslenska stafi, möguleika á að setja fyrirsögn á færslur, og leið til að steypa mörgum SMS saman í eina langa dagbókar færslu. Nú mun Keli væntanlega taka viðbæturnar mínar og bæta þeim við fjölnotendaforritið sitt. Eitthvað segir mér svo að endanlegi forritits kóðinn verði gefinn frjáls til þeirra sem vilja nota hann og bæta við hann enn frekar.

Smátt og smátt gætu þessar SMS tilraunir okkar litlu mannana orðið þó nokkuð spennandi.

Svör frá lesendum (6) | Varanleg slóð