Íslenskun bókstafa í SMS blogg færslum

Skrifað 17. júlí 2003, kl. 18:26

SMS Íslenskunarkóðinn minn byggist á því að notaður sé ákveðinn ritháttur fyrir tákn á borð við Ð og Þ. Öll íslensku táknin (fyrir utan Ö) má tákna með því að setja upphrópunarmerki (!) fyrir framan viðkomandi bókstaf eða bókstafi, en að auki má nota öfuga broddstafi, s.s. à, ù, ì o.s.frv. Rithátturinn er frekar sveigjanlegur því mismunandi gerðir af farsímum hafa mis-góðan stuðning við íslenska stafi. Sumir hafa bara broddstafi með öfugum kommum, sumir hafa bara danskt Ø, sumir hafa bara lágstafi með broddi, og fæstir bjóða upp á táknin Þ og Ð.

Dæmi um notkun ritháttarins: !Ta!d er !ae!di a!d geta skrifa!d ìslensku ì SMS. H!urra fyrir reglulegum seg!dum!

Reynsla mín er sú að þessi ritháttur er auðlærður og alveg merkilega þjáll í notkun.

En svo við snúum okkur aftur að forritunarhlutanum, þá skiptist þýðingarferlið upp í 4 skref:

1. Undirbúningur textans
2. Íslenskun tákna
3. Stækkun á skammstöfunum
4. Frágangur

Eftirfarandi forritunardæmi koma beint Perl forritinu sem ég nota en tölvulæsir lesendur ættu að geta þýtt þessar skipanir yfir í hvaða forritunarmál sem er - svo fremi sem það forritunarmál býður upp textameðhöndlun með reglulegum segðum.

Skref 1. Undirbúa textann fyrir íslenskun

chomp $body;
$body =~ s/ /  /g;
$body =~ s/(\? |! |: |; |, |\. )/ $1/g;
$body = " " . $body . " ";

chomp klippir óþörf \n (lína endar) tákn aftan af textanum, og næstu línur tvöfalda öll orðabil til að að ná örugglega samliggjandi smáorðum, setja bil á undan greinamerkjum, og setja bil framan og aftan á strenginn til að leitin nái líka til fyrsta og seinasta orðs.

Skref 2. Framkvæma íslenskunina

$body =~ s/!Ae/Æ/g;
$body =~ s/!ae/æ/g;
$body =~ s/(À|!à|!A)/Á/g;
$body =~ s/(à|!a)/á/g;
$body =~ s/!D/Ð/g;
$body =~ s/!d/ð/g;
$body =~ s/!E/É/g;
$body =~ s/!e/é/g;
$body =~ s/(Ì|!ì|!I)/Í/g;
$body =~ s/(ì|!i)/í/g;
$body =~ s/(Ò|!ò|!O)/Ó/g;
$body =~ s/(ò|!o)/ó/g;
$body =~ s/(Ù|!ù|!U)/Ú/g;
$body =~ s/(ù|!u)/ú/g;
$body =~ s/Ø/Ö/g;
$body =~ s/ø/ö/g;
$body =~ s/!Y/Ý/g;
$body =~ s/!y/ý/g;
$body =~ s/!Th/Þ/g;
$body =~ s/!th/þ/g;
$body =~ s/!T/Þ/g;
$body =~ s/!t/þ/g;

Ath: Ég leyfi líka styttan rithátt !T og !t fyrir Þ og þ

Skref 3. Skilgreina nokkrar algengar skammstafanir

$body =~ s/ & / og /g;
$body =~ s/ m / með /g;
$body =~ s/ f / fyrir /g;
$body =~ s/ (a|A)d / $1ð /g;
$body =~ s/ eg / ég /g;
$body =~ s/ Eg / Ég /g;
$body =~ s/ (t|T)-póst/ $1ölvupóst/g;
$body =~ s/ (n|N)etf / $1etfang /g;

(Mér hafa enn ekki dottið neinar fleiri skammstafanir í hug. Fleiri tillögur eru þegnar með þökkum)

Skref 4. Taka til eftir okkur

$body =~ s/^\s(.+)\s$/$1/;
$body =~ s/  / /g;
$body =~ s/ (\?|!|:|;|,|\.)/$1/g;

(Fjarlægja öll auka bilin sem við settum inn í skrefi 1.)

---

Meira þessu líkt: Farsímablogg, Forritun.