Færslur sunnudaginn 13. júlí 2003

Kl. 11:18: Eitt ár í lífi... 

Fyrir nákvæmlega einu ári og 40 mínútum fæddist lítill drengur á Grettisgötunni.

Í dag verður haldið upp á afmælið með kökum og grilli og góðum vinum okkar mömmu hans í Heiðmörk.

Árs gamall getur hann:

• Skilið einfaldar beiðinir um að gera hluti eða gera þá ekki.
• Tæmt handtöskur og skúffur hvers konar og raðað innihaldinu upp á næstu brík eða sófabak.
• Snúið skopparakringlunni.
• Byggt litla turna úr trékubbum
• Keyrt leikfangabíla og sagt "prurrr"
• Faðmað Óðinn 4 ára vin sinn af innilegri væntumþykju þegar þeir hittast í Bónus
• Bent á fugla og flugvélar sem fljúga yfir og segir "úúú" á innsoginu.
• Gengið og næstum hlaupið um allt.
• Klifrað áfallalaust upp og niður tröppur, og upp í rúm/sófa og niður aftur.
• Montað sig af fjórum framtönnum.
• o.m.fl.

Svör frá lesendum (6) | Varanleg slóð