Færslur föstudaginn 11. júlí 2003

Kl. 00:21: onClick viðburðurinn á vísunarmörkum 

Um daginn vísaði ég á tvö sýnidæmi um Léttar og aðgengilegar DHTML valmyndir sem ég veit að mörgum hafa þótt áhugaverðar. Í dag barst mér svo spurning varðandi 2theadvocate smelli-fellivalmyndina:

"Hvað er það sem veldur því að browserinn ignore-ar það sem sett er í href þegar klikkað er á extendable menu item-in?"

onclick="..." viðburðastillingin sem opnar undirvalmyndirnar er href="..." yfirsterkari af því að onclick gildið inniheldur skipunina return toggle(); og toggle() fallið skilar gildinu false, þannig að útkoman úr onclick viðburðinum er return false sem gefur til kynna að smelliaðgerðin hafi mistekist, og stöðvar hana þar með.

Málið er að þessi valmynd opnast/lokast með því að maður smellir á stökin í valmyndinni og því gengi ekki upp ef hver einasti músarsmellur mundi sækja samstundis nýja síðu. Þess vegna er nauðsynlegt að toggle() fallið skili false.

Hins vegar, ef þú breytir kóðanum þannig að undirvalmyndirnar opnist á onmouseover="..." viðburðinum, í stað onclick, þá ættu href="..." vísanirnar sjálfkrafa aftur að virka alveg eðlilega.

Svör frá lesendum (1) | Varanleg slóð