Færslur mánudaginn 7. júlí 2003

Kl. 22:24: RSS útgáfa Stjórnarráðsins og ráðuneytanna 

Frá því í febrúar 2003 hefur Stjórnarráðið og öll ráðuneytin gefið út fréttayfirlit á RSS formi sem mér finnst alveg frábært! Ég man að stuttu fyrir áramót talaði ég fallega um RSS við einhverja sem unnu á vegum ráðuneytanna. Kannski hefur það hjálpað eitthvað til, en svo veit ég líka að Salvör hefur að hlutastarfi að gefa þessu fólki ráð þannig að líklega hefur hún lagt sín lóð á vogarskálarnar. Mér finnst líka gaman að sjá að á RSS yfirlitssíðu stjórnarráðsins er vísað á RSS.molar.is. :-)

Eitt finnst mér þó vera miður, en það er að RSS yfirlitin ráðuneytanna byggja öll á RSS 1.0 sem er hálfgerður gauksungi í RSS fjölskyldunni því þessi ákveðna útgáfa byggir á RDF málfræði sem er m.a. alræmd fyrir að vera óskiljanleg og óþarflega flækt. Flestir sem þykjast vera með á nótunum í dag nota RSS 2.0, sem er næstum jafn öflugt en mun einfaldara og aðgengilegra skráarform en spaghettíið sem útgáfa 1.0 var/er

RSS skráin mín er ágætis dæmi um mjög einfalt og rétt skrifað RSS 2.0 skjal, en ég og eflaust fjölmargir aðrir getum gefið góð ráð með að flytja RSS 1.0 skrár upp um útgáfunúmer.

Nú mundi ég bara vilja fara að sjá eitthvað gerast í RSS útgáfumálum Mbl.is og Vísir.is. Í fyrrasumar áttum við Bjarni í samræðum við Mbl út af RSS þjónustu RSS.molar.is og skrifuðum af því tilefni opið bréf til Mbl.is. Þeir sögðust eitthvað ætla að kíkja á þetta með haustinu, en nú er haustið komið og veturinn liðinn án þess að neitt hafi gerst.

Svör frá lesendum (1) | Varanleg slóð

At 12:23: Safari CSS class-name substring parsing bug 

Safari v1.0 has a CSS class-name parsing bug that makes it ignore a CSS class name applied to an HTML element, if this same element has multiple class names assigned to it, and if one of the class names contains one of the others as a substring. (for example class="firedream red") this makes safari ignore the class name "red" for that particular HTML element.

I've set up a page with a reduced test case for this bug, and I hope that Dave Hyatt and friends will be able to fix it in the next release of Safari.

BTW, this bug sucks even worse because it conflicts with the awful CSS whitespace parsing bug in IE5/Mac.

Post your Comment | Permalink

Kl. 03:23: Leitin að látúnsbloggaranum 

Áfram heldur leitin að hinum sanna tóni hljóðbloggsins - að þessu sinni kemur útkoman í þremur þáttum.

• Frumsamið ástarhljóð: act-of-love.mp3
• Hjáróma sönglandi 1: song-one.mp3
• Hjáróma sönglandi 2: song-two.mp3

Hljóðupptökur sem útgáfuform eru í eðli sínu gerólíkar rituðu máli. Að blaðra í vefvæddan diktafón gegnum farsíma er kannski ágæt aðferð til að taka niður minnispunkta, en að ryðja út úr sér einhverra mínútna löngum farsímamónólógi og ætla honum að koma á einhvern hátt í staðinn fyrir skriflega dagbókarfærslu er bara tóm firra.

Einhverjir kunna að halda því fram að "talblogg" geti verið gagnlegt ef maður þarf að senda skilaboð í neyð og er ekki nálægt tölvu, en reyndin er sú að farsímar eru tölvur og með þeim er hægt að senda SMS skilaboð hvert á land sem er. SMS skeytum má auðveldlega breyta í dagbókarfærslur.

Nú þegar hafa tvö íslensk fyrirtæki (Landmat og Hex) sett í gang textaskeytablogg fyrir þá farsímanotendur sem eiga nýjust og fullkomnustu MMS/GPRS símana. Það eina sem þessi fyrirtæki þurfa að gera er að útfæra líka blogg-gátt fyrir venjuleg SMS skeyti og þá er þetta orðið virkilega töff.

Svör frá lesendum (3) | Varanleg slóð