![[Passamynd]](/files/2003/05/mar.gif)
Már Örlygsson[uppkast] Fyrirsagnir: <h1>, <h2>, <h3> og <h4>
Uppkast að kafla í leiðarvísi um notkun algengustu HTML markanna fyrir venjulegt fólk sem skrifar á vefinn. Í þessum kafla er fjallað um mörkun millifyrirsagna, kaflaheita og uppbrotorða.
Sjá einnig kynninguna á þessu verkefni.
Titla, kaflaheiti, millifyrirsagnir og smærri "uppbrotsorð" má tilgreina með þar til gerðum HTML mörkum, <h1> til <h4>.
<h1>- markar aðaltitil vefsíðu, og fyrirsögn dagbókarfærslu þegar færslan birtist í heild sinni, ein á síðu.<h2>- er oftast notað fyrir kaflaheiti í löngum, kaflaskiptum greinum, þar sem hver kafli er næstum alsjálfstæð eining.<h3>- er mikið notað fyrir dæmigerðar millifyrirsagnir í styttri greinum og færslum. Þetta er líklega mest notaða fyrirsagnamarkið.<h4>- er sjaldnast notað nema til að brjóta upp lengri texta sem fjallar allur um nokkurn vegin sama málefnið.
Oft er sjálfgefið útlit fyrirsagna í HTML dáldið groddalegt og stórgert, en besta ráðið til að laga það er að stilla leturstærð og birtingu allra fyrirsagnanna með CSS stílstillingum í stílblaði síðunnar.
Sumir byrjendur bregða á það ráð að annað hvort (mis)nota <h3> sem kaflafyrirsagnir og <h4> sem millifyrirsagnir, eða hreinlega sleppa alveg að setja fyrirsagnamörk og nota <strong> áherslumörk í staðinn, en slíkt rýrir gildi textans sem verið er að marka all verulega.
Fyrirsagnir og vísanir
Það er í lagi að merkja orð í fyrirssögnum með <a href="..."> vísunarmarki, og eins er algengt að setja id="..." hak á fyrirsagnarmarkið sjálft til að geta vísað beint á það úr efnisyfirliti. Dæmi um þetta:
<h3><a href="vefsida.html">Millifyrisögn á grein</a></h3>
<p>Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua.</p>
...
<h2 id="kafli02">Önnur millifyrisögn</h2>
<p>Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua.</p>
[E.S. Til eru enn "dýpri" fyrirsagnamörk, <h5> og <h6>, en það er oftast ekki ástæða til að nota þau við dæmigerð greinaskrif.]
Meira þessu líkt: HTML/CSS.
Svör frá lesendum (1)
palli svarar:
Fín grein, verð að segja það að ég hef forðast h* eins og heitan eldinn og notað b eða jafnvel bara span til að búa til fyrirsagnir. En svona skipulögð (og rökrétt) notkun á h mörkunum er til fyrirmyndar. Þú færð prik fyrir þetta :)
7. júlí 2003 kl. 15:52 GMT | #