![[Passamynd]](/files/2003/05/mar.gif)
Már Örlygsson[uppkast] Efnisgreinar og áhersluorð: <p>, <br />, <em> og <strong>
Uppkast að kennslu í notkun algengustu HTML markanna fyrir venjulegt fólk sem skrifar á vefinn. Í þessum kafla eru kynnt til sögunnar efnisgreina-, línuskiptinga- og áherslumörk.
Sjá einnig uppkast að inngangnum HTML í hnotskurn.
Efnisgrein: <p>...</p>
Allar venjulegar efnisgreinar afmarkast með <p> mörkum. Sum "blogg" kerfi, s.s. Blogger setja efnisgreinamörk sjálfkrafa í textann á þeim stöðum þar sem höfundur textans gerir tvö línubil í röð. Sjálfvirkni af þessu tagi þvælist oft fyrir þeim höfundum sem skrifa sitt eigið HTML, en flest kerfi bjóða upp á að slökkva á þessari sjálfvirkni.
Áhersluorð: <em>...</em>
<em> markar áherslu (e. "emphasis") á ákveðin orð innan efnisgreinar. Áhersluorð eru gjarnan auðkennd með skáletrun, en því má auðveldlega breyta með CSS stílstillingum.
Rík áhersla: <strong>...</strong>
<strong> markið er notað á sama hátt og <em> en leggur ríkari áherslu á viðkomandi hluta textans. Orð með ríkri áherslu eru gjarnan auðkennd með feitletrun. Þó er það ekki algild regla og fer eftir CSS stílstillingum síðunnar.
Lína endar: <br />
<br /> markar stað í textanum þar sem lína skal enda og sú næsta byrja. Þó textinn sé brotinn upp í margar línur með <br />, þá eru þær samt allar hluti af sömu efnisgreininni (<p>). Þetta mark, <br />, er gjarnan notað til að afmarka ljóðlínur. Dæmi:
<p>Afi minn fór á honum rauð,<br /> eitthvað suður á bæi.<br /> Sækja bæði sykur og brauð,<br /> sitt af hvoru tagi.</p>Dæmið hér að ofan birtist svona í dæmigerðum vafra:
Afi minn fór á honum rauð,
eitthvað suður á bæi.
Sækja bæði sykur og brauð,
sitt af hvoru tagi.
<br /> er frábrugðið flestum öðrum HTML mörkum að því leyti að það stendur stakt og nær ekki utan um neinn texta. Skástrikið (/) aftast í <br /> sýnir að markinu lýkur þarna (það er ekki til neitt "</br>").
Meira þessu líkt: HTML/CSS.
Svör frá lesendum (2)
palli svarar:
Sælinú
<p> tagið skilgreinir efnisgrein en ekki málsgrein. [besserwisser on]Málsgrein hefst á stórum staf og lýkur á .?![besserwisser off] og er í daglegu tali kölluð setning.
Það mætti kannski bæta við að <br> rýfur ekki í sundur þá efnisgrein sem það er í. Þannig er hægt að fá nýjar línur sem tilheyra sömu efnisgrein.
Það á kannski ekki heima þarna strax en er tákn sem á heima þarna því það gefur upplýsingar um hvernig orð hanga saman.
meira var það nú ekki
30. júní 2003 kl. 11:43 GMT | #
Már Örlygsson svarar:
Takk. Ég er búinn að breyta öllum tilvikum af "málsgrein" í "efnisgrein". Góður punktur með <br />, ég bætti því inn.
Ég ætla að bíða með að tala um þar til seinna, þar sem það er næstum aldrei "bráðnauðsynlegt" að kunna að nota það, og oftar en ekki er það misnotað af byrjendum.
30. júní 2003 kl. 12:46 GMT | #