Færslur föstudaginn 27. júní 2003

Kl. 22:04: Ég pissa oft sitjandi 

Sonja spyr: Af hverju pissa karlmenn standandi? og Bjarni svarar: alvöru karlmenn pissa sitjandi!

Ég er sammála Bjarna. Það eina sem mér finnst vanta í röksemdafærsluna hjá honum er að það er líka auðveldara að pissa sitjandi þegar maður er með morgunstandarann.

Sjálfur pissa ég nokkurn veginn jafn oft standandi og sitjandi. Ég sest nær undantekningalaust þegar ég hef nægan tíma og er afslappaður. Sérstaklega finnst mér gott að stelast niður í forstofu og ná í Fréttablaðið á leiðinni á klósettið á morgnana, setjast svo á postulínsdrekann og blaða í rólegheitunum í gegnum fréttir dagsins og vakna í rólegheitunum á meðan ég pissa.

Minn staður, mín stund.

Sendu þitt svar | Varanleg slóð