![[Passamynd]](/files/2003/05/mar.gif)
Már ÖrlygssonKomnar myndir frá Siglufirði
Myndir frá Siglufirði (14. - 19. júní) eru dottnar inn í albúmið. Þar má sjá eftirfarandi:
- Æðarkollur og dúntekja
- Lítill strákur í kvöldsólinni
- Kríur í vígahug
- blóðrauð miðnætursól í fjarðarmynninu
- Hólshyrnan
- Dúdda "amma"
- Gamla brúin yfir Skútuá rétt fyrir ofan Árós
- Fótboltaleikur hjá 6. flokki
- 17. júní í draugabænum (og hitamælir sem sýnir 20° kl. 18:42)
- Kýr og sóleyjabreiður og hund
- Stórt knús
P.S. ég vinn mína ljósmyndun mjög hrátt, og læt allar myndirnar á netið - líka þær sem "mistókust". Mér finnst heildin mikilvæg í svona ljósmyndadagbókarvinnu.
Meira þessu líkt: Ljósmyndun, Logi Garpur.
Svör frá lesendum (8)
Jósi svarar:
Það er sumsé ekki gott signal-to-noise-ratio á myndunum þínum.
20. júní 2003 kl. 17:00 GMT | #
Már Örlygsson svarar:
Það fer eftir hverju maður ert að leita eftir í svona myndasafni - hvernig maður skilgreinir "noise".
Þitt "noise" er annars manns "signal". :-)
20. júní 2003 kl. 17:20 GMT | #
Hrafnkell svarar:
Tja hverju sem líður merkis-suðs-hlutfallinu á myndasafninu þá er merkis-suðshlutfallið á MYNDUNUM frá Siglufirði ekki gott. Kríumyndin sem þú birtír með þessari færslu er t.d. tekin í góðri birtu en er með rosalega miklu suði. Ég hef séð myndavélina þína gera miklu betur.
20. júní 2003 kl. 18:21 GMT | #
Már Örlygsson svarar:
Af einhverjum ástæðum virðist myndavélin búa til meira suð á bláum flötum, heldur en öðrum hlutum myndanna (veit ekki skýringuna). Sömuleiðis eru skuggasvæði líka meira kornótt en björt svæði.
Það vill svo skemmtilega til að kríumyndirnar eru eiginlega ekkert nema blásvæði og skuggar.
20. júní 2003 kl. 18:35 GMT | #
Hrafnkell svarar:
Myndirnar af Stínu og Loga Garp hafa ýkt mikið suð en fullt af litum :)
Skuggasvæði hafa meira (greinanlegt) suð en björt svæði. Ástæðan er sú að þar er minna signal.
22. júní 2003 kl. 22:32 GMT | #
Már Örlygsson svarar:
Þær eru teknar innandyra og myndavélin hefur væntanlega farið sjálfkrafa í 400 ISO mode, frekar en að lengja opnunartímann óhóflega.
Þetta er stillingaratriði á vélinni, og ég vel að hafa hana svona. Flestar nýrri vélar bjóða upp á svona breytilegt ljósnæmi (gert í hugbúnaði).
22. júní 2003 kl. 22:45 GMT | #
Hrafnkell svarar:
Breytilega ljósnæmið er reyndar gert með því að auka mögnunina á magnaranum sem tekur við merkinu frá myndnemanum og fæðir það svo áfram inn í A/D (hliðrænt yfir í stafrænt) breytuna. Meiri mögnun þar => meira suð.
Svo getur hitastig myndavélarinnar skipt máli. Heitari sensor => meiri "dark current" => meira suð. Ef mar notar alltaf LCD skjáinn til að skoða í gegnum þá getur baklýsing hans hitað myndavélina.
Ég sé líka breytileika í suðinu í minni myndavél sem ekki bara skýrist með lýsingu. Ég þarf að kanna hvort það tengist líka batteríum. Ég nota hleðslubatterí mikið en ekki alltaf. Þau hafa lægri spennu en venjuleg batterí (1.2V í stað 1.5V við fulla hleðslu). Lægri spenna gæti skilað sér í meira suði.
23. júní 2003 kl. 09:54 GMT | #
Jósi svarar:
Skuggasvæði eru oftast full af suði. Galdurinn við góða myndatöku er oft að láta björtu svæðin hafa það mikið vægi að maður skynji dökku svæðin sem samfellda skugga án suðs -en það er samt þarna!
Hvað suð í bláum flötum varðar þá eru ccd myndflögur ólíkt filmum næmari á rauða hluta litrófsins en þann bláa; flestar þeirra eru með filterum til að taka burt innrautt ljós því þær eru næmar á það líka (þær vélar sem hafa svokallað "night shot" taka þann filter af og kveikja á litlu innrauðu ljósi þegar ýtt er á "night shot" takkann). Þessvegna getur verið að næmni vélarinnar á bláan lit sé bara ekki nógu góð.
Fletir eins og himininn blái eru líka óhentugir til stafrænnar myndatöku vegna þess hversu einsleitir þeir eru; fleiri liti á hvern pixel þyrfti til að maður sæi ekki þrepin sem myndast óhjákvæmilega í 24 bitum/pixel.
Og þjöppun gerir alltaf illt verra. Ojbara.
27. júní 2003 kl. 14:19 GMT | #