Færslur föstudaginn 20. júní 2003

Kl. 16:38: Lítil Auðar- og Magnúsdóttir 

Auður sendi mér skeyti áðan og tilkynnti að þau Magnús hefðu eignast dóttur 13. júni s.l. Maggi er búinn að setja myndir af dísinni á síðuna sína.

Aðrar staðreyndir: 12 merkur og 49,5 cm. Þyngist vel. Móður og barni heilsast vel.

Til hamingju Auður og Maggi!

Sendu þitt svar | Varanleg slóð

Kl. 14:59: Komnar myndir frá Siglufirði 

Myndir frá Siglufirði (14. - 19. júní) eru dottnar inn í albúmið. Þar má sjá eftirfarandi:

• Æðarkollur og dúntekja
• Lítill strákur í kvöldsólinni
• Kríur í vígahug
• blóðrauð miðnætursól í fjarðarmynninu
• Hólshyrnan
• Dúdda "amma"
• Gamla brúin yfir Skútuá rétt fyrir ofan Árós
• Fótboltaleikur hjá 6. flokki
• 17. júní í draugabænum (og hitamælir sem sýnir 20° kl. 18:42)
• Kýr og sóleyjabreiður og hund
• Stórt knús

P.S. ég vinn mína ljósmyndun mjög hrátt, og læt allar myndirnar á netið - líka þær sem "mistókust". Mér finnst heildin mikilvæg í svona ljósmyndadagbókarvinnu.

Svör frá lesendum (8) | Varanleg slóð

Kl. 11:05: Kominn heim 

Kom með kvöldfluginu í gærkvöldi. Við strákarnir (Garpur og ég) höfðum það mjög gott fyrir norðan og hönnunarvinnan í Síldarminjasafninu skilaði, held ég, mjög góðri niðurstöðu.

Á meðan ég var í burtu skrifaði Hörður svar við færslunni Helvítis krækiberið ég, en í svarinu vill hann meina að jafnrétti sé ekki til...

Ég gæti skrifað fullt meira núna en ég nenni því ekki af því ég veit að þið nennið ekkert að lesa það. Blah.

Sendu þitt svar | Varanleg slóð