Færslur fimmtudaginn 12. júní 2003

Kl. 19:55: PingBuddy viðbót 

PingBuddy tekur núna við færibreytu (e. parameter), þ.e. TrackBack vefslóð sem birtist sjálfkrafa í viðeigandi reit í eyðublaðinu. Sjáið muninn með því að smella á þessar vefslóðir:

• http://www.anomy.net/pingbuddy/
• http://www.anomy.net/pingbuddy/?http://anomy.net/MT/mt-tb.cgi/506

Ég er að auki búinn að breyta handvirku Trackback vísununum mínum þannig að þær nota núna PingBuddy. En það skemmtilegasta er að núna geta allir MovableType notendur (og notendur annara dagbókarkerfa sem taka á móti Trackback beiðnum) fengið svona "Handvirkt Trackback" virkni fyrir færslurnar sínar án þess að þurfa að forrita sérstaka innsláttarsíðu fyrir það.

Svör frá lesendum (1) | Varanleg slóð

Kl. 18:32: PingBuddy - Trackbackgræja litla mannsins 

Anomy.net kynnir: PingBuddy - trackback spamgræja [-dauðans!!!-] litla mannsins. Með því að fylla út í reitina í PingBuddy getur hver sem er sent trackback beiðni á hvaða trackback URL sem er.

Nú geta t.d. allir hægri-frjálshyggju beturvitar sem nota Blogger að kætast því nú geta þeir sent trackback beiðnir á greinar á Múrnum. PingBuddy er skrifaður til heiðurs Guðmundi Svanssyni og Tómasi H. :-)

Að endingu vil ég óska Múrnum til hamingju með að hafa opnað fyrir Trackback vísanir. Fyrir vikið eru þeir augljóslega lang-flottasta pólitíska vefritið. Nú er bara spurningin hvort aðstandendur annara pólitískra pésa hafi sama hugrekki og Múrverjarnir?

Svör frá lesendum (8) | Varanleg slóð

Kl. 13:31: Lífsviðhorf og laun 

Erna skrifar um sinn minimalíska lífsstíl og vísar þar til pælinga minna um lífsgæðabrjálæðið og foreldrahlutverkið. Í þeim hugleiðingum minnist ég á áhrif svona lífsgilda á launatékkann manns. Mér var áðan að detta þetta í hug:

Getur verið að það kynjamunur á viðhorfum fólks til lífsgæða- og framakapphlaupsins? Velti fyrir mér hvort launamunur kynjanna sé mögulega líka viðhorfsmunur kynjanna, og munur á félagslegum væntingum til frama/launa kynjanna?

Sem karlmaður finn ég fyrir mikilli félagslegri pressu á mig að fá sem hæst laun í minni vinnu, en ég verð ekki var við að konan mín eða vinkonur upplifi viðlíka væntingar samfélagsins til þeirra.

Mig grunar að svoleiðis þættir hafi áhrif á vísitölulaunaseðil kynjanna. ...?

Svör frá lesendum (5) | Varanleg slóð

Kl. 11:20: Palminn fundinn, vantar lyklaborð á hann 

Palm Pilot lófatölvan mín er fundin. Búálfarnir höfðu tekið hana að láni. Þeir skiluðu henni svo snyrtilega aftur efst í skúffuna sem við Stína höfðum bæði leitað mörgum sinnum í.

Núna vantar okkur svona lyklaborð fyrir Palminn. Er einhver þarna úti sem veit um svona stykki til sölu?

Með lyklaborði verður einföld, úrelt Palm IIIe tölva að alveg ágætis ritvél.

Svör frá lesendum (3) | Varanleg slóð