Færslur föstudaginn 23. maí 2003

Kl. 22:29: Keppni í að vera sem mest eins 

Er að horfa á keppnina Ungfrú Ísland ruglaða á Stöð 2. Djöfull er þessi keppni vandræðaleg. Úff maður. Best að labba um í næstum því engu, dilla sér vandræðalega og reyna á sama tíma að halda virðingu sinni.

Hvað fær fólk til að vilja taka þátt í svona lummulegheitum?

...ekki það, þetta eru á köflum ósköp sætar stelpur.

Samt fyndið hvernig þessi keppni (og aðrar fegurðarsamkeppnir) gengur út á að hópur af ungum stúlkum keppist um að vera sem mest "eins". Þær eru hver annari meira eins - einsari - og sú vinnur sem er mest eins - einsust. Maður verður svo skýrt var við þetta þegar maður horfir á svona keppni í ruglaðri útsendingu. Það er algjörlega vonlaust að þekkja þær í sundur því þær eru allar svo óskaplega ... eins.

Svör frá lesendum (5) | Varanleg slóð