Færslur sunnudaginn 18. maí 2003

Kl. 11:00: Litli strákurinn minn... 

• Hann heitir Garpur og er með eldrauðgyllt hár og himinblá augu.
• Hann brosir mikið og hlær oft svo innilega - eins og lífið sé skemmtilegt.
• Honum finnst gott að kúra og kúnsa í fanginu á okkur mömmu sinni.
• Hann skríður á fjórum fótum og fyrir ca. tveimur mánuðum síðan byrjaði hann að ganga með. Honum dugir önnur höndin til stuðnings.
• Hann getur staðið óstuddur og gengið 2-3 lítil skref - en bara ef hann er hissa og utan við sig.
• Þegar hann vill vera góður við fólk þá reynir hann að stinga snuddunni sinni upp í það.
• Snuddan er ekkert mjög mikilvægur hluti í lífi hans, en er samt ósköp ágæt stundum.
• Honum finnst nauðsynlegt að toga í hárið á mömmu sinni við öll tækifæri.
• Honum finnast kisurnar endalaust spennandi og endar stundum allur útklóraður á handarbökunum eftir þrjóskuköst í samskiptum við þær. Loðin skott heilla.
• Þegar honum er rétt eitthvað ("gjörðu svo vel") þá tekur hann við því segir hann pínulítið "tah".
• Þegar eitthvað dettur í kringum hann, þá segir hann "dah".
• Stundum finnst honum gaman að missa hluti viljandi og horfa á eftir þeim falla - "dah!".
• Hann er nýlega farinn að geta klappað saman höndunum. Honum þykir það frekar lítið spennandi.
• Þegar hann er svangur segir hann "ah!" aftur og aftur þangað til við náum "hintinu".
• Honum finnst allur matur góður og sýpur lýsi af áfergju.
• Honum finnst mikilvægt að fá að borða það sama og við, en sem betur fer er auðvelt að plata hann þegar eitthvað óhollt er á borðum hjá okkur stóra fólkinu.
• Þegar hann heyrir orðið "bless" þá vinkar hann á fullu
• Þegar hann vinkar fólki þá segir hann "dah", "dah" í sífellu - "bless", "bless"
• Þegar hann fattar að mamma eða pabbi eru að fara eitthvað þá vill hann faðma og kúra í fanginu - eins og til að telja okkur hughvarf.
• Stundum grætur hann smá þegar annað hvort okkar fer í burtu, en það lagast yfirleitt þegar hann fær að horfa á eftir mér eða mömmu sinni út um gluggann og vinka.
• Hann vaknar eldsnemma á morgnana og vill yfirleitt ekki klára nætursvefninn sinn fyrr en hann er búinn að kúka morgunkúkinn. Við ætlum að kaupa kopp handa honum.
• Honum finnst gaman að rífa dagblöð, tímarit og bækur í litla bita og kjammsa á og kyngja.
• Honum finnast lyklaborð og tölvumýs spennandi
• ...og spólugatið á vídeótækinu með flipanum sem sveiflast inn á við þegar potað er í hann
• ...og skáphurðir, og skúffur. Opna, loka, opna, loka, opna, loka.
• Hann er eldsnöggur að læra og hermir eftir því sem fyrir honum er haft í gríð og erg.
• Hann sefur 2-4 lúra í yfir daginn, minnst klukkutíma í hvert sinn.
• Hann er 10 mánaða og 5 daga gamall, og á allt lífið í vændum.

Svör frá lesendum (2) | Varanleg slóð

Kl. 02:29: GPS fjörugangan mikla 

Við Keli létum verða að því að ganga með GPS tæki eftir strandlengju Reykjavíkur. Við töfðumst og byrjuðum ekki fyrr en nokkru eftir að byrjað var að falla að, en það stytti vegalengdina sem við náðum að mæla.

Það tekur skratti mikið á að brölta í fjörugrjóti, en það féll aðallega í minn verkahring þar sem ég er í ívið betra formi en Keli og mun vanari en hann að fóta mig í stórgrýttum fjörum. Það er alveg merkilegt hvað jafnvægisskynið batnar hratt við að klöngrast svona.

Við náðum að mæla tæpa 12 kílómetra frá botni Kópavogs, fyrir Kársnesið, inn Fossvog og út Skerjafjörð fram undir Suðurgötu, en þá var orðið svo stórstreymt að það var ekkert vit í þessu lengur.

Á leiðinni heim, tók ég létt "swing" kring um alla þrjá hluta tjarnarinnar með GPS tækið góða. Þar hitti ég Arnheiði og fjölskyldu og neyddist til að útskýra hvers vegna ég þræddi tjarnarbakkann með lítið raftæki í útréttri hendi.

Ég er þægilega þreyttur í líkamanum eftir gönguna og hlakka til að taka næsta hluta leiðarinnar. Nördatrimm er skemmtilegt.

Keli mun væntanlega bæta niðurstöðum þessara landmælinga við íslandskortið góða einhvern næstu daga.

Svör frá lesendum (1) | Varanleg slóð

At 01:00: All my manly fears 

• ENLARGE your penis Mar
• Increase energy and cardiac output
• We Can Help Your Debt Problems!
• Woman always said: size matters!
• Fioricet, Soma, Buspar, Prozac, and more Prescribed Online and Shipped to your door
• Need Debt Relief?
• The Blue Pill That Works!
• Increase Penis Size Now
• Half the Cost, Generic Viagra
• Can you handle a Massive Penis?
• BEST PENIS ENLARGEMENT PILLS PRICES
• Increase ejaculation and ejaculate like a real man.

...knee-deep in dept with a small, flabby penis.

Is this what the Internet thinks of me, or is it just my inbox?

Reader comments (1) | Permalink