![[Passamynd]](/files/2003/05/mar.gif)
Már ÖrlygssonAð feminískum leiðarlokum
Fyrr í dag skráði ég mig af femínistapóstlistanum. Taugarnar þurftu smá hvíld :-). Ég er ekki alveg viss, en mig grunar að þar með sé ég jafnframt genginn úr femínistafélaginu. (Hvernig virkar meðlimaaðild að félaginu annars?)
Þrátt fyrir að yfirlýst stefna félagsins sé að vera sameiningarvettvangur fyrir sem flestar gerðir femínisma og breiðfylking femínista með ólíkar skoðanir, þá er reyndin sú að á póstlistanum þrífst engin umræða í friði nema hún samræmist mjög skýrt afmarkaðri sýn á femínisma. Hugmyndin um að allir femínistarnir í skóginum geti talað/starfað saman í vinsemd og af virðingu hljómar mjög vel, en virðist því miður ekki ganga upp í reynd.
Ég lít samt ekki svo á að þáttaka mín á listanum hafi verið tímasóun - þvert á móti hefur hún verið mjög fróðleg og ég hef lært mjög mikið á umræðum síðustu vikna:
- Ég er búinn að kynnast betur femínistanum í sjálfum mér.
- Ég er með færri fordóma í garð femínista.
- Ég veit betur hverju ég er sammála og hverju ósammála.
- Ég hef fræðst um fjölmörg merkileg málefni og séð sjónarhorn mismunandi fólks á þau.
- Ég hef lært betur að tjá mig af virðingu um flókin, tilfinningaþrungin málefni.
- Ég hef kynnst (beint og óbeint) merkilegum konum og körlum sem ég ber núna mikla virðingu fyrir.
Þetta er búið að vera ómetanlegt.
P.S. ég er áfram femínisti.
Meira þessu líkt: Femínismi.
Svör frá lesendum (5)
Salvör svarar:
Hæ Már,
það að vera á þessum póstlista er ekki sama og að vera í félaginu. Margir félagsmenn eru ekki á póstlistanum (þeir þurfa að vinna og sinna öðru lífi líka og meika ekki yfir 850 bréf á mánuði:)
Það að vera á þessum póstlista þýðir bara að maður hafi áhuga á femíniskum umræðum og tíma og orku til að láta yfirgengilegt magn af þeim dælast inn í pósthólfið sitt á hverjum degi.
Það eru líka margir á þessum póstlista sem ekki eru femínistar, þeir eru að hlusta á umræðuna.
Mér finnst þetta reyndar einn merkilegasti póstlistinn sem ég hef verið á, ekki síst fyrir hvaða áhrif hann hefur haft - bæði hefur umræða af póstlistanum seitlast út í samfélagið og haft þar áhrif og svo finnst mér þú orða þetta snilldarlega - umræðan hefur haft áhrif á þá sem tóku þátt og hlustuðu. Það er kannski mikilvægast.
Það var stofnað félag í kjölfarið á umræðum á póstlistanum þ.e. Femínistafélag Íslands og umræðan breiddist út og hafði áhrif, nánast öll vefrit fjölluðu eitthvað um femínisma, unglingavefirnir Batman og Tilveran trufluðust í femínistaandróðri sínum og annar hver bloggari tjáði sig í tíma og ótíma um femínisma.
Meira segja blogg sem alla jafna hafa ekkert inntak nema að tala um hvað margar heimsóknir þau fá fengu skyndilega sál og köllun til að berjast á móti femínistaplágunni miklu:-)
Þú segir: "...þrífst engin umræða í friði nema hún samræmist mjög skýrt afmarkaðri sýn á femínisma.." Ég held reyndar að engin umræða hafi þrifist í friði á þessum póstlista. Og ég held að umræða sem er svona já-bandalag hefði ekki haft sömu áhrif. Og það er engin skýrt afmörkuð sýn sem allir eða meginþorrinn deilir.
Annars hafa þeir sem vara við femínistum og skrifa á móti þeim verið miklu duglegri við að skilgreina sína sýn á femínista en við sem erum femínistar. Taktu eftir að Andri sem skrifar um femínista á Deiglunni endar greinina sína http://www.deiglan.com/index.php?itemid=2318 á því að segja: "Þetta eru hinir sönnu femínistar".
Er hann femínisti? Vill hann gera eitthvað til að breyta ástandinu? Eða vill hann bara hjálpa til við að kýla niður friðsamlega mannréttindahreyfingu sem vill tala máli þeirra sem hafa verið lítisvirtir og jafnvel beittir ofbeldi og misrétti?
En vertu velkominn í félagið þegar tími og aðstæður leyfa.
Þú verður ekki félagi nema skrá þig sérstaklega með pósti á feministinn@feministinn.is
p.s. frábær pistill og frábær innlegg frá þér á póstlistann.
7. maí 2003 kl. 10:22 GMT | #
Már Örlygsson svarar:
Hmmm... þá veit ég það. Ég var greinilega aldrei meðlimur í félaginu. Maður veltir fyrir sér hversu margir á póstlistanum viti ekki betur en að þeir séu þar með skráðir í félagið líka? Blah.
Salvör, að sjálfssögðu var skeggrætt og deilt af krafti um hin og þessi málefni á listanum, og slíkt er hið besta mál. Ég held samt að flestum sé orðið ljóst að ákveðin sjónarmið fá ósanngjarnari og neikvæðari árásir á sig en önnur. Þannig virðast fáeinir einstaklingar á listanum hafa tekið að sér að tukta umræðuna til eftir eigin höfði, og leita allra leiða til að þagga niður í þeim röddum sem þeir eru ekki sammála - og þeim tekst það bara mjög vel.
Auðvitað gæti maður haldið áfram að taka þátt í svona dissstríði út í hið óendanlega með það fyrir augum að "þreyta" leiðindapúkana. En ég held bara að það sé bara ekki þess virði og mundi líkega endanlega drepa alla jákvæðu orkuna sem eftir er á listanum. Og hvar stæðu femínistar þá? Mér finnst betra að hætta á meðan góða skapið er enn á lífi og leyfa tröllunum að eiga póstlistann sem þeim er svo í mun að eigna sér.
...og hver þarf svo sem póstlista, sem á svona fína heimasíðu eins og ég? :-)
7. maí 2003 kl. 11:04 GMT | #
Zato svarar:
....sjitt !!
Ég held bara áfram að vera jafnréttissinni.
Karlréttinda/Kvennréttinda baráttu fólk !?!
Hvers vegna setja sig á annan hvorn endann þegar að meiningin er sú að allir endi í miðjunni ..BLEH !!
Ef ég má vitna í manneskju úti í bæ:
"Sá sem leita ekki að jafnrétti eða jafnvægi er eigin hagsmunaseggur og hann/hana ætti að hundsa."
Virðingarfyllst Zato.
8. maí 2003 kl. 21:18 GMT | #
Ásta svarar:
váááá.. :D er bara ad teista svona dóteri :)
24. júní 2003 kl. 07:11 GMT | #
Már Örlygsson: Leynifélag Öggu Pó
6. júlí 2003 kl. 02:11 GMT | #