![[Passamynd]](/files/2003/05/mar.gif)
Már ÖrlygssonHvert stefnir þetta?
Loksins skrifar Unnur eitthvað sem ég get vísað á: Hún hefur orðið fyrir vonbrigðum með Femínistafélagið undanfarið, og segir m.a.: "Meðan að þetta er sú mynd af femínistum sem er presenteruð af okkur á heimsíðu félagsins [með ræðu Gyðu] þá treysti ég mér ekki til að láta sjá mig í þessum hóp í göngunni á morgun."
Ég hef sjálfur gengið í gegnum svipaðar vangaveltur og Unnur lýsir. Undanfarið hef ég haft sífellt meiri áhyggjur af því að þessi stóri og öflugi félagsskapur fólks með mismunandi skoðanir og áherslur, verði beint eða óbeint misnotaður af einhverjum æstum róttæklingum til að gefa prívat-aðgerðum sínum meiri vigt en þær eiga skilið. Ég vil ekki láta misnota mig, og mér finnst óþægilegt að vita ekki hvert þetta félag stefnir.
...svo er ég sammála því sem Erna segir.
Meira þessu líkt: Femínismi.
Svör frá lesendum (8)
Svansson.net svarar:
"Loksins skrifar..." nákvæmlega það sem mér fannst:)
30. apríl 2003 kl. 19:45 GMT | #
egill svarar:
Ég er kannski svona vitlaus, en rosalega finnst mér kominn tími á að hugsa um eitthvað jákvætt í nokkra daga.
Eru allir að mygla undan þessari feminista-umræðu? (Vonandi ekki að móðga neinn með því að kalla umræðuna þetta? :-s)
Ég verð hreinlega þunglyndur af að fylgjast með þessari umræðu allri, það virðist a.m.k enginn geta orðið sammála um nokkurn skapaðan hlut.
Held ég sletti smá málningu á vegg, og horfi á hana þorna. Það er mál-efna-legra :-)
30. apríl 2003 kl. 19:53 GMT | #
Ingibjörg Stefánsdóttir svarar:
Hei, bíddu nú rólegur. Það væri mikill missir að þér úr félaginu. Mér sýnist skoðanir þínar oft falla vel að mínum og vona svo sannarlega að hvorki þú né Unnur hættið í Feministafélaginu.
30. apríl 2003 kl. 20:18 GMT | #
Svansson.net: Lög feministafélagsins
30. apríl 2003 kl. 20:53 GMT | #
Már Örlygsson svarar:
Ingibjörg, ég er ekki á leiðinni að hætta í félaginu (ekki enn a.m.k.). Ég er bara að kasta þessum áhyggjum mínum fram á sjónarsviðið til að hjálpa mér að kryfja þær til mergjar.
Ég er ekki viss um að öll femínista-skoðanaflóran rúmist í bara einu félagi. Ég óttast t.d. að þeir hófstillu og óframfærnu í hópnum endi gegn vilja sínum í hlutverki "nytsamlegra sakleysingja" í stærra valdatafli einstakra róttæklinga.
Auðvitað eru þetta bara dómadags svartsýnisröfl í mér, en þetta er samt eitthvað sem við þurfum að passa okkur á.
30. apríl 2003 kl. 21:29 GMT | #
Bragi svarar:
Ég hef alltaf verið þeirrar skoðunar að siðferðisleg málefni og slagur um þau eigi að vera undanskilin kvenfrelsisbaráttunni. Þarna hefur hins vegar alltaf verið fylgni á milli og finnst mér það illt. Það á sem sagt ekki að fylgjast að barátta fyrir jöfnum samkeppnisskilyrðum og aðstæðum, og barátta fyrir takmörkun málfrelsis.
30. apríl 2003 kl. 22:08 GMT | #
Ingibjörg Stefánsdóttir svarar:
Hefurðu hugsað út í það, Már, að það hafa lengi verið til félög hófstilltra feminista og jafnréttissinna. Kvenréttindafélag Íslands er a.m.k. 70 ára gamalt og virðist ekki vera mikið bit í því. Það fær heldur ekki mikla umræðu eða athygli- nema helst þegar það tekur upp umræðuna frá Feministafélaginu og ákveður að kæra Flugeiðir vegna auglýsinganna.
Það sem þú talar um varðandi annars vegar þá hófstilltu og hins vegar hina öfgafullu er auðvitað endalaust "dilemma" hjá öllum félögum og hópum sem eru að berjast fyrir einhverjum málstað. Ef þú ert hófsöm, sýnir öllum skoðunum virðingu og passar þig að særa engan, þá eru miklar líkur á því að þú náir heldur ekkert voðalega miklum árangri, vekjir litla athygli og enn minni áhuga. Ef þú ert svolítið aggressív, lætur allt flakka og ert til í að beita ýmsum aðferðum þá eru miklu meiri líkur á að þú vekir athygli og náir þar með árangir. Um leið er hætta á að þú fælir einhverja frá þér. Hvað viltu gera?
1. maí 2003 kl. 08:07 GMT | #
Bragi svarar:
Þú verður að afsaka en þetta minnir rosalega mikið á marxíska díalektík. Nauðsyn fyrir átak hverju fylgir svo gagnátak í hina áttina og í lokin verður til niðurstaða sem er eins konar samkrull andstæðna án öfga. Það sem verið er að segja með því að segja að Kvenréttindafélag Íslands hafi ekki komið neinu til leiðar er þá að ekkert vinnur neitt gagn nema að öfgahópar standi að baráttunni. Sussusei
1. maí 2003 kl. 12:10 GMT | #