Már Örlygsson - Heimasíða og blogg - aðgengileiki í fyrirrúmi.

Færslur mánudaginn 28. apríl 2003

Kl. 18:09: Femínistaritskoðun eða bara ofvirkur lobbíismi?

Skrif um meintar ofsóknir "femínista":

Friðbjörn Orri: Femínistar
Svansson: Skipulögð ritskoðun?
Salvör: Óskipuleg ritskoðun eða ofsóknir? #

Áhugaverð skrif allt. Sér í lagi merkileg "hótun" Friðbjörns: "Sem betur fer eru uppi áform til að mæta þessum aðgerðum feminista og brjóta ógnarstjórn þeirra á bak aftur." Friðbjörn er augljóslega þræl hlutdrægur í skoðunum sínum sem einn aðstandenda vefsins Batman.is, en mér finnst það samt áhyggjuefni ef einhverjir einstaklingar liggja í auglýsendum og hóta aðgerðum í nafni femínistafélagsins. Mér finnst ótrúlegt að meginþorri meðlima í félaginu kærir sig ekki um að vera þátttakendur í slíku.

Ég fæ samt ekki séð að þarna sé á ferðinni ritskoðun af hálfu þessara meintu "femínista", heldur grunar mig að þetta kallist á fínu frjálshyggjumáli "lobbíismi", og þyki gott verkfæri. :-) En óháð því, þá er ég ekki viss um að ég vilji vera meðlimur í þessu félagi ef svona árásarkenndur "lobbíismi" á að viðgangast þar (mér finnast draumar Gyðu vera sérlega ógeðfelldir).

Til Svanssonar skýt ég þessu: Það er ekkert leyndarmál að ég skrifaði umræddan "leiðarvísi" á póstlistann, sem hluta af almennri umræðu um hvernig væri hægt að grafast fyrir um ábyrgðarmenn nafnlausra ærumeiðinga á netinu.

Þar talaði ég um ýmsar leiðir sem hægt er að nota, t.d. Whois uppflettingar, nslookup, skoða IP-tölur í hausum tölvupósts, skoða vefleiðaranetið í kringum nafnlausu skrifin og fylgjast með vinum "nafnleysingjanna". Í öðrum bréfum lét ég í ljós efasemdir mínar um að kærur eða beinar "árásir" væri rétta leiðin, og hvatti fólk til að íhuga frekar friðsamlegri og "klókari" leiðir sem væru betur til þess fallnar að skapa vitsmunalega umræðu um málið.

Eftir á að hyggja var það visst dómgreindarleysi af mér að senda þessar upplýsingar á svona stóran póstlista, því eins og við var að búast ákváðu einhver "skemmd epli" á listanum að taka því svo að ég hefði gefið einhvers konar veiðileyfi á hýsingaraðila Rantur.com, og aðra. Viðkomandi hýsingaraðilar, sem urðu fyrir leiðinlegu áreiti frá fúlum karlfemínistum, eru ágætir kunningjar mínir og ég hef beðið þá afsökunar á þessu.

Svör frá lesendum (19) | Varanleg slóð