![[Passamynd]](/files/2003/05/mar.gif)
Már ÖrlygssonFrúin á miðopnunni
Svansson reynir sem mest hann má að sannfæra mig um að Samfylkingin sé innantóm, eins og hann sé hræddur umað atkvæðið mitt verði dropinn sem fyllir mælinn og hrekur Sjálfsstæðisflokkinn úr sjórnarráðinu. :-)
Ég hef líka unnið í auglýsingabransnum og veit sitt hvað um auglýsingar og hversu vel þessi ákveðna auglýsing var gerð. Það sem hreyfði kannski hvað mest við mér var sú staðreynd að ég er búinn að vera þáttakandi/lesandi á femínstapóstlistanum og er meðvitaður um jafnréttismál eins og þau snúa að mörgum konum. Það er náttúrulega tómt yfirmok hjá Svanssyni að reyna að gefa í skyn að forsætisráðherraembættið sé ekki ein valdamesta staðan á Íslandi. En þó svo væri, þá breytir það ekki þeirri grundvallarstaðreynd að forsætisráðuneytið er e.t.v. eina táknræna vígið sem konur hafa enn ekki "unnið" í baráttu sinni fyrir jöfnum tækifærum. Þessi táknræni þáttur er nefnilega mikilvægari en marga grunar, og ég er alveg tilbúinn að leggja mitt atkvæði af mörkum til að það vinnist, þó ekki væri nema í eitt kjörtímabil eða svo.
En ekki það, ég mun kjósa Alþýðusamkrullið af mörgum fleiri ástæðum en þessari einu auglýsingu. T.d. treysti ég þeim betur til að standa við stefnuskrá sjálfsstæðisflokksins en sjálfstæðisflokknum sjálfum, sem er kannski eitthvað sem sumir kjósendur sjálfsstæðisflokksins ættu að hafa í huga. :-)
Það vegur t.d. þungt á metunum hjá mér að með mögulegum sigri Samfylkingarinnar þá snaraukast líkurnar á einhvers konar vinstri stjórn næstu fjögur ár, og ég held að það væri kærkomin tilbreyting eftir 12 ára sjálftöku foringjaflokksins. Svo er ég bara miklu hrifnari af hóflegum og jöfnum skattalækkunum á alla landsmenn, heldur en prósentulækkunarloforðum sjallanna.
En nóg um pólitík í bili, pólitík er leiðinleg í of stórum skömmtum.
Meira þessu líkt: Femínismi.
Svör frá lesendum (13)
Svansson.net svarar:
Þér er nottla ekki viðbjargandi;)
17. apríl 2003 kl. 17:05 GMT | #
Svansson.net svarar:
En varðandi forsætisráðuneytið, þá er það að sjálfsögðu valdamesta embættið alla jafna. En það er einfaldlega innantómt kjaftæði að forsætisráðherrann "stjórni" landinu. Eða hverju stjórnar hann nákvæmlega? Áþreifanlegt dæmi takk!
17. apríl 2003 kl. 17:12 GMT | #
Már Örlygsson svarar:
Mér er ekki viðbjargandi, satt er það. Sömuleiðis. :-) "Valdamesta embættið" já. Þá erum við sammála. Allt þetta tal um að "stjórna" landinu var náttúrulega bara eitthvað orð sem er kastað fram í einhverri kjaftæðisauglýsingu.
Það sem mér finnst fyndnast við baráttu Samfó í þessum kosningum, er hvernig þau beita sömu aðferðum og Sjallarnir hafa undantekningalítið beitt undanfarinn áratug eða svo: einföld og innantóm slagorð, neðanbeltishögg, málefnaleysi og allur sjallapakkinn (Munið eftir slagorðum eins og "vinstri gludnroði", "áfram ísland" og annari slíkri málefnasnilld :-). Ég get vel skilið að það svíði að vera felldir á eigin bragði.
Taktu eftir að ég er ekki að falla fyrir kosningabaráttuaðferðum Samfylkingarinnar. Þau fá mitt atkvæði að mjög vel ígrunduðu máli.
17. apríl 2003 kl. 18:59 GMT | #
Ragnar svarar:
Svansson - Það er greinilegt að þú býrð ekki við ofríki af hálfu forsætisráðherra. Ef ég þekki persónulega dæmi þess að hann vaði vægast sagt upp með stjarnfræðilegan hroka og tjahh, mér er næst að segja "grimmd" og stýri fólki sem má ekki við því að segja "nei", get ég þá sagt það opinberlega, t.d. í Fréttablaðinu?
Í þjóðfélaginu Íslandi ræður bara einn maður, forsætisráðherra og notar til þess öflugustu vopnin, ótta og vanþekkingu annarra. Mótstaðan er engin og flokksmeðlimir segja já og amen. Hefur eitthvað mál farið í gegnum þingið síðustu 5-10 ár sem hann hefur ekki verið sáttur við? Kæmi það þér á óvart Svansson, ef ég segði þér að hann hefði hótað samþingmönnum sínum? Ég bara spyr... Marg fleira væri hægt að skrifa hér sem annars staðar en ég sé ekki ástæðu til þess. Heilaskemmdir eru nefnilega varanlegar.
18. apríl 2003 kl. 01:41 GMT | #
Már Örlygsson svarar:
Hmmm... ég var að pæla... að minna alla á að halda ró sinni og einskorða sig við að segja það sem þeir geta staðið við og væru tilbúnir að skrifa á eigin vefsíðu. Ragnar, þetta á við um þig líka ;-)
18. apríl 2003 kl. 01:59 GMT | #
Óli G. Håk. svarar:
Ég trúi því varla að menn sem telja sig hafa vit í kollinum vilji kjósa Samkrullið, hvers eina lausn við vandamálum er að ganga í ESB og hefur svo slæma málefnalega stöðu að þeir treysta sér ekki í málefnalegar umræður heldur telja sína einu leið felast í því að rakka niður núverandi valdahafa, sem n.b. hafa staðið sig gífurlega vel í gegnum tíðina, og já hafa lækkað skatta allvel.(Annað en solla hefur gert í Rvk!)
Fari allt til fjandans og Samkrullið komist í ríkisstjórn þarf ekki að spyrja að leikslokum, hagur okkar allra mun versna.
18. apríl 2003 kl. 11:18 GMT | #
Svansson.net: Varanlega heilaskemmdur
19. apríl 2003 kl. 13:41 GMT | #
Svansson.net svarar:
hmm - varðandi vinstri glundroðann, er það þá ekki í meginatriðum rétt? Það á í það minnsta pottþétt við um vinstri stjórnirnar "27-"32, "34-"38, "56-"58, "71-"74, "81-"83 og að mjög miklu leyti "88-"91. Sú stjórn má þó eiga það að hún á e-ð kredit fyrir þjóðarsáttina þar sem verkalýðshreyfingin bar ákveðið traust til hennar. Engu að síður skildi okkar ástkæri forseti við fjármál ríkisins í ólestri og lét Viðreisnarstjórninni eftir þann niðurskurð sem þurfti til að koma þeim aftur í bærilegt horf;-)
19. apríl 2003 kl. 13:50 GMT | #
Már Örlygsson svarar:
Vissulega mátti réttlæta "vinstri glundroða" herferðina með vísun í stjórnmálasöguna, en það gerir ekki þessa áróðusaðferð málefnalega sem Davíð 'ojj hvað samfó er vond og ómálefnaleg' Oddsson stóð fyrir.
Þó er vert að minna á að sú staðreynd að vinstristjórnir hafa átt erfitt uppdráttar á Íslandi og verið oftast skammlífar, segir ekki þar með að þær hafi ekki leitt af sér góða hluti og átt upptökin að mikilvægum framförum, alveg eins og stjórnir Sjallana hafa líka gert. Sömuleiðis er engan veginn hægt að fullyrða að skammlífið sé einhver vísbending um einhverja eðlislæga vankanta á vinstri-pólitíkinni eða vangetu þeirra sem fóru með völd. Það er margt sem getur valdið þessu en ég ætla ekki út í þá sálma núna. Það væri líklega efni í sér pistil.
19. apríl 2003 kl. 14:05 GMT | #
Svansson.net svarar:
Endilega dritaðu þeim pistli út um páskana - ég hef ekki nema gott af því að rifja upp stjórnmálasöguna sem ég kunni einhvern tímann hérumbil utanbókar - tólf og fimmtíu mílurnar voru reyndar ágætis framtak hjá Lúðvíki Jósepssyni;)
19. apríl 2003 kl. 14:08 GMT | #
Már Örlygsson svarar:
Ef ég mundi skrifa svona pælingar þá mundi ég alveg forðast það að setja mig í einhver sagnfræðispor. :-)
Það sem mér þykir áhugaverðast er hvernig mismunandi pólitískar skoðanir virðast fá fólk til að nálgast flokkslýðræðið, kosningar, og fleira með að því er virðist gerólíkum forsendum, og með ólíkum útkomum.
Allir eru að hlaupa um á sama íþróttavellinum en eru að keppa í gerólíkum leikjum með ólíkum leikreglum. Því miður er bara einn dómari inn á vellinum sem dæmir eftir einum reglum sem veldur því að ákveðin lið "vinna" trekk í trekk.
Ég er búinn að fara sjálfur í gegnum miklar vangaveltur með hvaða flokk ég á að kjósa í vor, og sú niðurstaða að kjósa Alþýðusamfylkinguna kom sjálfkrafa eftir að ég ákvað að prófa að kjósa eftir sömu forsemdum og sjálfstæðisfólk gerir.
19. apríl 2003 kl. 14:24 GMT | #
Svansson.net svarar:
Miklar vangaveltur segirðu - væri ekki bara betra að vera flokksbundinn og þurfa ekkert að hugsa sérstaklega út í þetta - er lífið ekki of skemmtilegt til að eyða því í hugleiðingar um pólitík:)
Mæli með því þú takir okkur Ragnar þér til fyrirmyndar hvað þetta atriði varðar;-)
En það er áhugavert viðfangsefni á hvaða forsendum fólk er að kjósa, og flokkar að starfa.
19. apríl 2003 kl. 15:03 GMT | #
Ragnar svarar:
Óflokksbundinn - Stendur mér næst að kjósa Vinstri Græna enda sammála þeim í ýmsum meginatriðum og reyndar Frjálslyndum líka. En stjórnin skal felld, hún verðskuldar ekki annað. Ef ég þarf að kjósa Ingibjörgu til þess, then so be it.
Það er gott að geta rifjað upp vinstri glundroða frá því á kreppuárunum milli stríða. Segir auðvitað sjálfvirkt til um hvernig Ingibjörg og Steingrímur mundu endurtaka leikinn á nýrri öld.
20. apríl 2003 kl. 15:01 GMT | #