![[Passamynd]](/files/2003/05/mar.gif)
Már ÖrlygssonFramfarir á síðunni - XHTML
Í gær bætti ég við nýjum, sætum myndatökkum neðst á allar síður (og á forsíðunni). Með því að smella á W3C takkana í fætinum má sannreyna að HTML og CSS kóðinn á síðunni er kórrétt skrifaður.
Þá má nefna að ég ákvað að skrifa kóðann á síðunum samkvæmt XHTML 1.0 staðlinum, því það virðist vera eina leiðin til að tryggja að síðurnar virki á þráðlausum tækjum sem nota WAP2.0 staðalinn til að skoða vefi.
Ástæðan fyrir því að ég fer í XHTML útgáfu 1.0 en ekki 1.1, er sú að kórréttar 1.1 síður virka ekki í eldri vöfrum (t.d. eru vísanir á name="" innan síðu ekki leyfðar í XHTML 1.1) og býr til á tómt vesen með MIME-týpur og birtingu síðna í eldri vöfrum ("text/html" er ekki lengur leyfð týpa). XHTML 2.0 býr til enn fleiri og stærri vandamál. XHTML 1.0 er eina praktíska útgáfan.
Til að síðan mín sé bæði kórrétt XHTML 1.0 og virki í öllum gömlum vöfrum þá þurfti ég að hafa eftirfarandi í huga:
- Setja auka
<a name="foo"></a>fyrir gömlu vafrana, þótt ég noti annarsid="foo"til að marka fyrir vísunum innan síðna (<a href="#foo">Foo</a>) - setja bæði
xml:lang="is"oglang="is"í<html>markið. - ...og ýmislegt fleira smálegt sem kemur fram í kaflanum um afturvirkni í XHTML 1.0 staðlinum.
Meira þessu líkt: HTML/CSS, Um þessa síðu.
Svör frá lesendum (2)
Tóró svarar:
Eins og venjulega geri ég ráð fyrir að nýta mér visku þína (stela?) í næstu tiltekt hjá mér.
Tek eftir að þú notar <b> en ekki <strong> eins og semantískir réttrúarmenn vilja að sé notað. Er það máttur vanans eða er strongið bara húmbúkk?
16. apríl 2003 kl. 15:27 GMT | #
Már Örlygsson svarar:
<strong> er bara svo óþjált að skrifa - heilum 5 slögum lengra en <b>. XHTML 1.0 byggir á HTML 4.01 og því er <b> strangt til tekið "löglegt" tag, þó þeir hvetji fólk til að hætta að nota það.
http://www.w3.org/TR/html401/present/graphics.html#h-15.2.1
Ég er búinn að breyta öllum tilfellum af <b> í <strong> í dagbókinni minni, og ætla að prófa að halda mig við það á næstunni. Ég sé til hvernig mér líkar það.
16. apríl 2003 kl. 16:21 GMT | #