Færslur fimmtudaginn 10. apríl 2003

Kl. 23:45: Höfundaóréttur? 

Jeffery Zeldman skrifa einfalda en skýra útskýringu á því af hverju of langur og of sterkur höfundaréttur getur verið skaðlegur menningu okkar - Copywrong

"If we are concerned about protecting our civilization from those who would destroy it, we should scrutinize some of our own lawyers, who by extending copyright have made it far more difficult for libraries and museums to preserve cultural materials."

Zeldman vísar meðal annars á grein Chris Sprigmans, The Mouse that Ate the Public Domain, en sú grein er klassísk lesning um málið sem segir m.a.

"The linguistic convention by which works "fall" when they enter the public domain is revealing: immanent in the phrase is the notion that a work is debased when no longer copyrighted. Perhaps it is this view that allows statutes that shrink the public domain to gain widespread support."

"Eldred" dómsmálið sem talað er um í grein Sprigmans, og var höfðað til að hnekkja síðustu framlengingunni á gildistíma bandarísks höfundaréttar tapaðist nýlega fyrir hæstarétti Bandaríkjanna. Lawrence Lessig, löfræðingur sækjanda í málinu, skrifaði sínar hugleiðingar um af hverju málið tapaðist.

Til gamans: vefritið Reason náði einstæðu viðtali við Mikka mús (Mickey Mouse Clubbed) þar sem hann tjáir sig um niðurstöðu dómsmálsins og mikilvægi þess að mega "endurnýta" hugverk annara sem hluta af nýsköpun:

"Walt Disney created me, but he didn't create me out of nothing." [...] "My first cartoon short, Steamboat Willie, was a direct parody of Keaton's movie Steamboat Bill, Jr. On the very first page of the script, it says, 'Orchestra starts playing opening verses of Steamboat Bill.'"

Sendu þitt svar | Varanleg slóð

Kl. 23:20: Þemavika framundan: Höfundaréttur 

Þema næstu viku hjá mér verður höfundaréttur með áherslu á breyttar áherslur í höfundalöggjöf á alþjóðlegum vettvangi, menningar-, viðskipta- og hugmyndafræðilegum bakgrunni höfundaréttar, og áhrifum rafrænnar útgáfu á allt heila klabbið.

Auðvitað hef ég ekki hundsvit á lögfræði, en ég læt það ekki stöðva mig. IANALBIPOOTI. :-)

Sendu þitt svar | Varanleg slóð

Kl. 19:00: Eru fagnaðarlæti marktækari en mótmæli? 

Strumpurinn hittir naglann á höfuðið í færslu um "hamingjusama" íraska þjóð

"Undarlegt finnst manni að sömu aðilar og tala um að mótmæli sýni ekki rétta mynd af viðhorfi þjóða (sbr. mótmælin í evrópu) álíti að nokkur þúsund manna sem fagna falli Saddam sýni einhverja betri mynd af viðhorfi alþýðunnar í Írak."

Þegar innrásarstríðið "byrjaði" þá voru bandaríkjamenn búnir að sprengja og drepa á fullu í marga daga á undan. Núna er stríðinu "lokið", þrátt fyrir að enn sé barist og ekki sjái fyrir bendan á blóðugum átökum. Hún er skrýtin þessi nýja skilgreining á stríði og friði...

Skv. Iraqbodycount.com þá hafa á bilinu 1140 - 1376 óbreittir borgarar dáið í innrásinni hingað til. Þá eru ótaldir þær þúsundir sem hafa særst, og þúsundir eða tugþúsundir hermanna sem hafa fallið. Munið eftir snjóflóðunum á Flateyri (20 látnir) og Súðavík (14 látnir)? Ímyndið ykkur að stórt snjóflóð félli á Akureyri og tæki 1200-1300 manns með sér.

Skv. Robert Fisk hafa margir fréttamenn látið lífið við grunsamlegar aðstæður (að því er hann vill meina).

Annars gluggaði ég í dag á pistla Christopher Allbritton sem er líklega einn af fáum fréttamönnum í Írak í dag sem er ekki vandlega ritskoðaður af hermálayfirvöldum annars hvors stríðsaðilans. Hann er staddur í Kúrdistan og lýsir fölskvalausum fögnuði Kúrdanna sem hafa lengi barist fyrir sjálfsstæði sína héraðs.

Ég vona að veldi Saddams sé fallið og ég vona að Bandaríkjamenn og Bretar hundskist heim til sín eins fljótt og auðið er. Megi pöddur bögga Bush og Blair.

Svör frá lesendum (7) | Varanleg slóð

Kl. 12:53: MT Templates 

Mark Pilgrim er svo sætur að vísa á þrjár ágætar greinar um Template forritun í MT og gefa frjálsan kóðann sem hann notar til að byggja vefsíðuna sína. Það er margt hægt að læra af Mark, og það eru þó nokkrar hugmyndir sem ég hef nú þegar stolið frá honum við gerð minnar síðu.

Sendu þitt svar | Varanleg slóð