Færslur miðvikudaginn 9. apríl 2003

Kl. 15:28: Maí og júní: útivinna eða foreldravinna? 

Stína er að fara að byrja í tveggja mánaða vinnutörn. Kennsla á námskeiði, búningasaumur, hönnun fyrir leikverk í Borgarleikhúsinu o.fl. Nú er um tvennt að velja, að ég fækki mínum verkefnum niður undir núll og taki að mér að vera með strákinn, eða reyna að finna einhverja pössun á meðan mesta vinnutörnin stendur yfir.

Það sökkar vissulega dáldið mikið að hafa engar ömmur eða afa eða svoleiðis ættingja í Reykjavík. Það væri svooo næs að geta níðst á þegar svona kemur upp.

Mér finnst það samt mjög spennandi tilhugsun að sjá algjörlega um strákinn þennan tíma, en ég veit ekki hvort mér tekst að sannfæra Hugsmiðjuna um að þeir þurfi ekki á mér að halda í tvo heila mánuði.

Hvað gera bændur?

Svör frá lesendum (3) | Varanleg slóð

Kl. 12:26: Brosað á kostnað náungans? 

Er það bara ég eða er myndasíða Friðbjörns Orra alveg ótúrúlega fyndin? Mér dettur einhvern veginn í hug montmyndasíðan hans Björns[-BíBí-] sem mér fannst alltaf svolítið brosleg. Friðbjörn er þó miklu fyndnari.

Þessar myndasíður eru þó mjög einlægar á sinn hátt, og af því ég er mjög hrifinn af allri einlægni, þá fíla ég þær.

Svör frá lesendum (7) | Varanleg slóð

Kl. 03:37:  

Svansson segir Ástarsögu af netinu. Til hamingju Hörður og Jenný.

Sendu þitt svar | Varanleg slóð