Færslur Þriðjudaginn 8. apríl 2003

Kl. 15:45: Ljósmyndir af tímanum 

Ég fíla ljósmyndaverk sem fjalla um tímann. Þrjú dæmi sem ég hef rekist á:

• Vertigo then and now ber saman senur úr Hitchcock myndinni frægu og nýjar ljósmyndir teknar á nákvæmlega sama stað í San Fransiskó. Afskaplega fallegt verk.

  Það er sér í lagi flott að sjá hvernig tré og gróður mótar senurnar, eins og sést einna greinilegast á myndinni þar sem Golden Gate brúin er í bakgrunni.

• The Daily Photo Project er verkefni Jonathan Kellers þar sem hann tekur passamynd af sjálfum sér á hverjum degi og setur á vefinn. Verkið hefur gengið í nokkur ár samfleytt.
• Annað svipað verk er Time (We Photograph Ourselves) eftir Diego Golberg og fjölsk. en þau hafa tekið passamyndir af sér þann 17. júní á hverju ári í hátt í 3 áratugi. Geysilega fallegt verk.

Eflaust er ég að gleyma einhverjum flottum verkum í sama dúr.

Sendu þitt svar | Varanleg slóð

Kl. 12:05: Enn ekkert heyrst frá NetSol 

Ég hef enn ekki fengið neitt staðfestingarskeyti frá Network Solutions út af flutningnum á anomy.net til Register.com. Í dag, vel rúmlega viku seinna, fékk ég hins vegar enn eina rukkunina frá NetSol og viðvörun um að lénið renni út 13. apríl..!

Ég er búinn að hringja í Register.com, þeir eru búnir að setja ferlið aftur í gang sín megin og á eftir ætla ég að hringja í NetSol og bögga þá.

...en djöfull er lyftutónlist leiðinleg.

Seinna: Búinn að hringja í NetSol og þeir segja að ekkert eigi núna að koma í veg fyrir að flutningurinn gangi í gegn. Líklega klikkaði eitthvað hjá Register.com um daginn, því staðfestingarpósturinn sem ég fékk aldrei átti að koma frá þeim, ekki NetSol. Það staðfestingarskeyti fékk ég í morgun á meðan símalinu stóð. Núna bíð ég bara og krossa puttana.

Ég útskýrði fyrir þjónustustarfsmanninum hjá NetSol af hverju ég ákvað að segja mig úr viðskiptum við þá - af því þeir svöruðu ekki tölvupósti og kerfið þeirra vildi ekki taka við greiðslu frá mér - en öll viðbrögðin sem ég fékk voru tiltölulega áhugalaust "ó? var það?"... *dæs*

Svör frá lesendum (1) | Varanleg slóð