Færslur fimmtudaginn 3. apríl 2003

Kl. 16:02: Jafnrétti og mjúka leiðin að því 

Félagi Bragi skrifar um femínisma. Hann kýs að líta á jafnréttisbaráttuna sem valdatafl og er fylgjandi "jákvæðri mismunun", en slær samt vissan varnagla á þá skoðun sína undir lokin á pistlinum:

"Hins vegar er það umdeilanlegt hvort við eigum að halda í svona hluti að eilífu."

Jósi segist vera maskúlínisti og vill fara mjúku leiðina að því að jafna stöðu kynjanna, í stað þess að beita valdi og "jákvæðri mismunun".

..."Ef fyrirtæki [setja] það fyrir sig að konur séu líklegri til að forfallast vegna barna, þá er lausnin ekki sú að þvinga fyrirtækin til að ráða konur, heldur frekar að kenna körlunum að taka meiri þátt í umönnun barnanna."

Ég samþykki fyllilega röksemdafærslu Braga, en aðhyllist persónulega frekar mjúku leiðina sem Jósi lýsir.

Sendu þitt svar | Varanleg slóð

Kl. 15:37: Vídeó á Linux 

Freyr skrifar um reynslu sína af vídeóspilun á Linux. Fróðlegt. Ég er sjálfur að gera tilraunir með að spila DVD og DivX myndir á 400MHz Pentium II Linux dollunni sem situr í stofunni heima hjá mér. Mín reynsla af mplayer, sem Freyr segist fíla, er sú að hann neitar að láta vídeómyndina fylla skjáinn. Kannski er það eitthvað stillingaratriði sem er ekki enn búinn að finna út úr? Logi mælir með xine. Ég á eftir að prófa það forrit.

Svör frá lesendum (9) | Varanleg slóð

At 12:45: Boot-strapping is the way 

Clay Shirky on how gradual boot-strapping is the key to building new networks: Permanet, Nearlynet, and Wireless Data

'Nearlynet' is better aligned with the technological, economic, and social forces that help networks actually get built. The most illustrative failure of 'Permanet' is the airphone. The most spectacular was Iridium. The most expensive will be 3G."

Post your Comment | Permalink

Kl. 09:09: MT sem einfalt vefviðhaldskerfi 

Í nótt er ég búinn að vera að HTMLa vefsvæði fyrir lítil samtök og setja hann upp í Movable Type kerfinu. Mér sýnist MT geta alveg fúnkerað sem einfalt og hræódýrt vefviðhaldskerfi fyrir vefi sem þó eru ekki bara "blogg". Fítusarnir sem verða á vefnum:

• Fréttalisti og stakar fréttir á síðu
• Ályktanir/Fréttatilkynningar
• Smáauglýsingar
• Einhvers konar "spjallþræðir".
• Almennar upplýsingasíður um samtökin

Þetta kallar á smá útsjónarsemi í template vinnslunni, en virðist alveg leysanlegt. Núna sofa smá.

Svör frá lesendum (10) | Varanleg slóð