Femínistafélag og Garpur veikur

Skrifað 2. apríl 2003, kl. 14:05

Ég vildi óska að ég hefði komist á fund Femínistafélagsins í gærkvöldi. En ég er mjög glaður að heyra að stemmningin hafi verið jákvæð og uppbyggileg. Því varð þó ekki við komið því ég hafði mikilvægari hnöppum að hneppa sem faðir lítils gubbandi stráks með 38,5°C hita. Hefði hann ekki verið veikur, þá hefði ég tekið hann með mér á fundinn.

Garpur fékk 8 mánaða lifrarbólgusprautu á mánudaginn og er með mun verri aukaverkanir en af fyrri sprautum. Ég er úldinn eftir erilsama nótt í foreldrahlutverkinu.

Nú er bara að skrifa bréf og útskýra af hverju mér miðaði ekki áfram sem skyldi í tveimur verkefnum sem ég ætlaði að vinna í í gærkvöldi og í nótt. Geisp.

Meira þessu líkt: Femínismi, Logi Garpur.