Færslur mánudaginn 31. mars 2003

Kl. 18:26: Mótmæli gegn auglýsingum flugleiða 

Femínistafélag Íslands stendur fyrir undirskriftasöfnun til að mótmæla markaðssetningu Flugleiða (nú betur þekkt sem "Æslander") á íslenskum konum sem auðveldum og ódýrum ríðikosti fyrir graða ferðamenn - þó það sé gert undir rós. Ég skrifa undir þessi mótmæli/tilmæli eins og þau eru sett fram þarna.

Að lokum má benda á góðan punkt Svavars Muzak um málið: Kvenfyrirlitning eða Karlframhjálitning? :-)

Sendu þitt svar | Varanleg slóð

Kl. 09:56: Rólegan æsing 

Híhíhí... auðvitað var enginn að saka neinn um að stela neinu. Ég vil bara biðja alla um að vera slaka áfram. Mér fannst bara kúl að vera svona augljóslega með jafn góðan húmor og Baggalútur. Ekki á hverjum degi sem maður fær staðfestingu á því.

P.S. svo þykir mér ekkert að því að endurnýta góðan húmor.

P.P.S. færslan mín fékk nokkuð mikla dreifingu þessa fyrstu tvo daga, svo það var ekkert óeðlilegt að detta það í hug að nethaukarnir hjá Baggalúti hefðu orðið varir við hana og fundist hún fyndin.

Sendu þitt svar | Varanleg slóð

Kl. 01:39: Baggalútur og skotarnir 2500? 

Í október s.l. stóð fyrir dyrum landsleikur Íslands og Skotlands í fótbolta.

7. október skrifaði ég "frétt" um 2500 manna stuðningshóp Skotanna sem var á leið til landsins til að "mótmæla". Grínið mæltist vel fyrir.

Sléttri viku seinna var mér svo bent á að 9. október, tveimur dögum eftir mína sendingu, þá hafði birst sambærilegur brandari á ofurbrandaravefnum Baggalúti. Þá var mér fyrst virkilega skemmt.

Ég ætlaði alltaf að skrifa þetta hjá mér, og jafnvel senda þeim baggalútsmönnum tölvupóst en nennti svo aldrei að standa í því. Í dag varð mér hugsað til þessa atviks og ákvað að deila þess með heiminum áður en ég gleymdi því endanlega.

(Ath. Pistillinn á Baggalúti var á sínum tíma dagsettur, en er það ekki lengur. Þið verðið bara að trúa mér með dagsetninguna. :-)

Svör frá lesendum (3) | Varanleg slóð