Færslur föstudaginn 28. mars 2003

Kl. 23:08: Vitlausustu leiðarvísar í heimi 

Í nýjasta fréttabéfi Creative Good er vísað á alveg dásamlega verðlaunasíðu, "Worst Manual Contest".

• Vinningshafar árið 2003
• Vinningshafar árið 2002
• Vinningshafar árið 2001

Í öllum tilfellum er hægt að sækja leiðbeiningabæklinginn sem um ræðir í PDF formi og skoða dásemdina í heild sinni.

Sendu þitt svar | Varanleg slóð

Kl. 14:47: Svar við ágengum símasölumönnum 

Keli nörd skoðar leiðir til að kljást við ágenga símasölumenn sem virða hvorki fjarsölubannlista Hagstofunnar né símfyrirtækjanna. Áhugaverðar upplýsingar um réttarstöðu almennings á Íslandi.

Ef allt annað klikkar þá má kannski benda Kela á þetta sem mögulegar lausnir:

• EGBG anti-telemarketing counterscript
• JUNKBUSTERS Anti-Telemarketing Script (minna skemmtilegt en hitt)
• ...eða eins og ég gerði um daginn, að hræða sölumanninn með ógeðslega glaðlegum og vinalegum skipunum. :-)

Svör frá lesendum (16) | Varanleg slóð

Kl. 04:07: TrackBack fjör 

Í fyrradag kveikti ég á Trackback á statískt renderuðu HTML síðunum mínum en kvartaði yfir því að þær uppfærðust ekki sjálfkrafa þegar Trackback beiðni berst. Matti Á. benti mér strax á leiðbeiningar frá Phil Ringnalda um hvernig megi breyta einni MT forritsskrá til að kveikja á sjálfvirkum uppfærslum.

Ég fylgdi leiðbeiningunum og núna birtast Trackback vísanir sjálfkrafa um leið og þær berast. Tóm gleði. (Ég á ekki von á öðru en að þessi breyting verði hluti af næstu útgáfu af MT.)

Að auki er ég búinn að bæta við Trackback insláttarformi neðst á allar umræðusíðurnar til þess að ég og aðrir getum bent á áhugaverða linka og tilsvör með handvirkum hætti (gagnlegt t.d. fyrir þá sem nota Blogger). Snjöll viðbót þótt ég segi sjálfur frá. :-)

Svör frá lesendum (4) | Varanleg slóð

Kl. 03:23: Gagnlegar MT kerfisviðbætur 

Kerfisviðbæturnar eru það sem gera Movable Type eins öflugt og raun ber vitni. Gott safn kerfisviðbóta má finna á mt-plugins.org

Viðbæturnar sem ég er að nota í dag og get mælt sérstaklega með:

• SimpleComments - sameinar "comment" og "trackback tengla" í einn lista.
• IfEmpty - Einfalt en ótrúlega gagnlegt
• FirstNWords - fyrir útdrátt úr lengri texta. Nota þetta með <MTIfEmpty var="EntryTitle">...
• Compare - leyfir manni að nota einfaldar skilyrðingar. Flóknari útgáfa af IfEmpty (að ofan).
• TextileFormatting - einfaldur ritháttur til að skrifa HTML. Sniðugt fyrir þá sem vilja ekki leyfa HTML í comment reitum.
• Regex - reglulegar segðir (fyrir lengra komna)

Svo lofar KeyValues mjög góðu en ég er ekki enn farinn að nota það neitt.

Felstum viðbótunum fylgja stuttar leiðbeiningar um innsetninguna sem felst einfaldlega í því að afrita 1-3 skrár á mismunandi staði í Movable Type möppunni og þá byrjar viðbótin samstundis að virka eins og hún hafi alltaf verið þarna. Mjög einfalt. :-)

Svör frá lesendum (1) | Varanleg slóð