"Movable Google" og íslensk tákn

Skrifað 27. mars 2003, kl. 14:20

Ragnar Torfi sendi mér bréf og spyr um tengingu MT leitar við Google leit. Ég hef ekki tíma til að líta á málið núna, en skil þetta eftir hér með leyfi Ragnars, svo aðrir geti spreitt sig á þessu þangað til.

Leitarvélin á MT er ágæt. En mig langar að bæta við möguleikanum á að setja inn niðurstöður frá google með því að nota MTGoogleSearch, þeas. niðurstöður leitar að sama leitarstreng og var notaður fyrir MT-leitina. Ég prófaði þetta á http://[Ritskoðað] - viti menn, þetta virkar. Nema fyrir eitt smáatriði. Sértákn í templeitinu fara öll til fjandans og séu sértákn í leitarstrengnum birtast google-niðurstöðurnar ekki. Lausnina sem ég notaði fann ég á Movable Type spjallþráðunum en það má sjá hana í notkun á Flexistentialist.org.

Datt í hug að senda þér þessar vangaveltur ef þú skyldir vera í svipuðum hugleiðingum. Mig nefnilega vantar lausn á þessu fyrir annan vef og allar ábendingar væru vel þegnar :o)

Meira þessu líkt: Movable Type.