Færslur fimmtudaginn 21. nóvember 2002

Kl. 18:28: Fyrirlestrarglærur um "nýju listina" 

Mér láðist í dag að nefna að Net-list-heimspeki fundurinn verður í stofu 101 í Odda upp í Háskóla, kl. 20:00. Dáldið seint í rassinn gripið núna :-)

Ówell...

En allavega þá má benda áhugasömum á að skoða html "glærur" sem ég bjó til fyrir litla fyrirlesturinn minn í kvöld.

Þetta er á mjög grófu punktaformi og mjög lítið útskýrt. Mér þætti gaman að heyra frá einhverjum sem mætir ekki á fundinn, hvernig þessar glærur eru að virka á þá. Forvitnilegt að vita hversu mikið af spöguleringunum skína í gegn um svona kryptíska punkta.

Núna þarf ég bara að drífa mig heim, borða smá, fara í hreinar nærbuxur og koma mér út í Háskóla.

Svör frá lesendum (1) | Varanleg slóð

Kl. 11:03: Í kvöld: Umræðufundur um myndlist, netið og heimspeki 

Smá tilkynning.

Í kvöld heldur Félag áhugamanna um heimspeki umræðufund þar sem grafist verður fyrir um hvernig netið, myndlist og heimspeki tengjast innbyrðis.

Fréttatilkynning: http://www.heimspeki.hi.is/?meira?id=25 (í tilkynningunni gleymdist að taka skýrar fram áhersluna á netið.)

Málið er að ég verð þarna með örstutta framsögu þar sem ég mun kynna hvernig ég tel að (mynd)list geti haft áður óþekktar birtingarmyndir á netinu - t.d. hvernig alveg ótrúlega listrænt áhugaverðir hlutir eru að koma frá fólki sem hefur engan listrænan bakgrunn og hefur engan áhuga á myndlist.

Á eftir verð ég svo þáttakandi í pallborðsumræðum ("panel") um netið, heimspeki og listina.

Páll Thayer og Ragnar Helgi Ólafsson ræða tölvulistaverk sem þeir hafa verið að gera:

• Ragnar Helgi: Webwaste
• Páll: Nuharm
• Páll: ISJS

og Margrét Elísabet Ólafsdóttir mun halda smá fyrirlestur í upphafi fundar.

Ég vil endilega hvetja sem flesta að mæta og taka þátt í umræðunum. Ég held að þær geti orðið mjög áhugaverðar.

-- Már Örlygsson - ekki listamaður, ekki heimspekingur, bara netnörd.

P.S. í BA ritgerðinni minni frá Listaháskólanum fjallaði ég einmitt, á eilítið sundurlausum, heimspekilegum nótum, um netið og tengsl þess við myndlist.)

Sendu þitt svar | Varanleg slóð