Færslur miðvikudaginn 27. mars 2002

Kl. 13:33: Kennitala sem notandanafn við innskráningu? 

To: ucd hjá molar.is

Ég er að taka þátt í hönnun íslensks vefsvæðis þar sem kennitölu notenda er flett upp í þjóðskrá og hún notuð sem grunnurinn að skráningu notandans í gagnagrunninum. Kennitalan er einkvæmur lykill á hvern notanda og allir Íslendingar kunna kennitöluna sína utanbókar. Því dettur mér í hug:

Er eitthvað því til fyrirstöðu að sleppa því að láta notendur velja sér sérstakt notendanafn í kerfinu og láta kennitöluna duga sem notendanafn við innskráningu? (ath. ekki er gert ráð fyrir að notendur hafi nein samskipti sín á milli, þannig að notendanafnið er eingöngu notað í samskiptum við kerfið.)

Hönnuðurinn í mér segir að kennitala sé alveg fullnægjandi notendanafn.

Efasemdaröddin í hausnum á mér segir hins vegar að fólki kunni að finnast óþægilegt/ópersónulegt að þurfa sífellt að gefa upp kennitöluna sína og vilji frekar nota "óþarft" notendanafn því það hjálpi þeim að gleyma að samskipti þeirra við kerfið eru persónugreinanleg. ...??...

Veit einhver til þess að þetta hafi eitthvað verið kannað?

Svör frá lesendum (2) | Varanleg slóð