Færslur fimmtudaginn 14. september 2000

Kl. 10:19: Pac-Man sýnir í Gallerí Geysi 

Ég fékk "spam" frá vini mínum Baldri.com í morgun. Hann var að tilkynna sýningu sem hann og tveir aðrir góðkunningjar mínir og fyrrum skólafélagar, Hari og Bibbi munu halda í Gallerí Geysi frá og með næsta laugardegi. Saman heita þeir félagar Pac-Man.

Ég hlakka til að sjá sýninguna og hvet alla til að sjá framlag þeirra félaga til raunveruleikans. Þetta er alveg mjög skemmtilegur hópur.

Fréttatilkynningin frá Baldri

Baldur reit:

Subject: Spam = Pac-Man býður þér á opnun sýningar
From: Baldur Helgason

Pac-Man í Gallerí Geysi

Í húsnæði Gallerís Geysis að Vesturgötu 2 mun andi þriggja ungra manna sem saman kalla sig Pac-Man ríkja frá næsta laugardegi kl. 16 og verða fram að næstu mánaðarmótum.

Pac-Man telur hina ýmsu miðla henta vel til að heiðra listagyðjuna en þeir hafa sungið henni óði sína á Netinu, í hljóðlistaverkum, skúlptúrum og innsetningum. Samsýning þeirra í Gallerí Geysi mun án efa bera þeirri sannfæringu vitni en boðið er upp á eftirfarandi kræsingar:

"Þú skalt gefa tíma" sem er netlistaverk úr smiðju baldur.com (Baldurs Helgasonar), en Netið hefur verið vettvangur Baldurs um árabil.

Bibbi hefur bæði tekið til og megrað sig í fjölmiðlum landsins, en að þessu sinni sýnir hann verkið sem er "Rock 'n Roll" er hljóðinnsetning fyrir rokkara.

Framlag Hara til þessarar glæsilegu sýningar eru málverk sem unnin eru sérstaklega fyrir rými Gallerí Geysis en Hari hefur unnið í ýmsa miðla á seinustu árum meðal annars með ljósmyndir og skúlptúra.

Sýning Pac-Man stendur yfir til 1. október næstkomandi og er opin á opnunartíma Hins Hússins.

--
Baldur Helgason
mailto baldur | baldur.com
http://baldur.com

Sendu þitt svar | Varanleg slóð