Færslur sunnudaginn 21. maí 2000

Kl. 23:49: Stína í London! 

Í dag var dagurinn. Sína fór í fluvelina (sic) til London. Merkilegast var eiginlega að við (hún?) vorum ekki á seinstu stundu með undirbúninginn! Við sváfum meira að segja fullan svefn í gærnótt!

Reyndar eyddum við öllum laugardeginum úrskriftarsýningarrölt í LHÍ (skrýtið að sjá gömlu skólafélagana útskrifast!) og kveðjuheimsókn til ömmu og afa.

Ég er farinn að hlakka til að elta stelpuna. Enn eru eftir nokkrir dagar - Flugið mitt leggur af stað kl. 02:00 n.k. föstudagsmorgun.

Seinustu fréttir af Stínu eru þær að hún er komin heilu og höldnu á áfangastað. Þeytt en sæl.

Smáhrakföll

Allt gekk vel nema að finna húsið hans Angelos (leigusalinn) við Battersea Church Road. Þetta var víst vandlega falið bakhús sem leigubílstjóranum tókst ekki að finna.

Stína endaði á að sitja í tvo kaffiþambandi klukkutíma í næturöryggisvarðakontór í nágrenninu á meðan góðu öryggisverðirnir snérust í kringum hana að reyna að hringja og finna helv. húsið.

Allir að senda stínu póstkort!

Heimilisfangið þar sem Stína er (og við verðum í allt sumar) er:

Sími: +44 (0)171 978-4967

Varanleg slóð

Kl. 23:36: Ryðblettun á þaki 

Ég eyddi seinniparti dagsins, fram á kvöld, uppi á þaki (í brakandi sól og hagléli í bland) að vírbursta og ryðverja bárujárnið mitt.

Það er svona að vera fasteignareigandi, maður þarf að hirða sinn skika af þakefnum. Svo mun ég reyna að fúaverja tilhlýðilega vegalengd af gluggakörmum eitthvert næstu kvölda (ef tími gefst) áður en ég fer út.

Ég komst að því að málningarvinna er ekki fyrir svona sitjaárassinum skrifstofubjána eins og mig. Þeyttur

Þeir sem reyndu að hringja í mig á meðan þakviðgerðunum stóð eru beðnir afsökunar.

Varanleg slóð