Skúpp dagsins: GM + GSP = Mekkano

Skrifað 16. maí 2000, kl. 19:17

Það er komið nafn á hið sameinaða fyrirtæki Gæðamiðlunar og GSP almannatengsla. Nýja barnið á að heita því fróma nafni "Mekkano", og vefsíðan verður hýst á léninu mekkano.com (lénið er skráð, en það er engin síða enn).

Nafnið var kynnt (ó)formlega á stórum starfsmannafundi sem var haldinn í Háskólabíói nú síðdegis. Þar voru fyrstu drög að sameinuðu skipuriti fyrirtækjanna kynnt, ásamt því að útsendari frá Worldwide Partners kynnti samtökin, en Mekkano er/verður hluti af þeim.

Nýja nafnið mæltist almennt vel fyrir á meðal starfsmanna, það fer vel í munni. Ég held að það muni bara venjast vel.