Netverjar á lífi???

Skrifað 10. maí 2000, kl. 18:50

Ég hélt að félagið Netverjar væri lögnu dautt. Svo virðist samt ekki vera því það er heilmikið líf á skipulagspóstlistanum og menn farnir að hrópa hástöfum á aðalfund og stjórnarkjör.

Iss! Ég hélt að menn væru löngu búnir að læra af tæplega þriggja ára sögu félagsins að stjórnir gera ekki neitt og eru langbestar ókjörnar. Það sést t.d. vel með því að bera saman kosningaræður og raunveruleg afrek fyrrum formanna félagsins þeirra Eyþórs Arnalds og Andrésar Magnússonar.

Ég átti skemmtilegt samtal við einn kollega minn í dag. Við komumst að þeirri niðurstöðu að félaginu væri best borgið í höndum einhvers einvalds. Lögfélagsins bæri að leggja niður með það sama og skipa einhvern einn áhugasaman (og framagjarnan) konung félagsins, og sá mundi síðan gera það sem honum sýndist við félagið þar til annað væri ákveðið.

Ég er á því að þetta sé hin skemmtilegasta hugmynd og vel þess virði að taka þátt í að sjá framkvæmda. - Lengi lifi konungurinn.